ԱԺ ընդդիմադիր կին պատգամավորները ամբողջական զորակցությունն են հայտնում Արեգնազ Մանուկյանին և կոչ են անում վերանայել կալանքը

ՀՀ ԱԺ ընդդիմադիր կին պատգամովորների հրատապ հայտարարությունը.

«Մենք՝ Հայաստանի Հանրապետության Ազգային ժողովի կին պատգամավորներս, խոր մտահոգություն ենք հայտնում մեր գործընկեր, «Մայր Հայաստան» կուսակցության վարչության անդամ Արեգնազ Մանուկյանի նկատմամբ որպես խափանման միջոց ընտրված կալանքի կիրառման առնչությամբ։

Օրենքի գերակայության, մարդու ազատության և անմեղության կանխավարկածի սկզբունքները պահանջում են, որ յուրաքանչյուր նման որոշում լինի համաչափ, բավարար հիմնավորված և անխուսափելի։

1. Անհապաղ վերանայել Արեգնազ Մանուկյանի նկատմամբ ընտրված խափանման միջոցը։

2. Կիրառել ազատությունից զրկելու հետ չկապված այլընտրանքային խափանման միջոց։

3. Ապահովել քրեական վարույթի ամբողջ ընթացքում օրենքի, արդար դատաքննության և մարդու իրավունքների միջազգային չափանիշների լիարժեք պահպանումը։

Հաստատում ենք, որ արդարադատության նկատմամբ հանրային վստահությունը կարող է պահպանվել միայն այն դեպքում, երբ յուրաքանչյուր որոշում հիմնված է բացառապես օրենքի և իրավաչափության սկզբունքի վրա, այլ ոչ թե՝ քաղաքական բռնաճնշումների։

1. Գալստյան Լիլիթ

2. Գասպարյան Իրինա

3. Գրիգորյան Աննա

4. Թովմասյան Թագուհի (անկուսակցական)

5. Խամոյան Ագնեսա

6. Խերանյան Արմինե

7. Կյուրեղյան Արմենուհի

8. Կրպեյան Ասպրամ

9. Միրզոեւա Զեմֆիրա

10. Մկրտչյան Աննա («Պատիվ ունեմ» խմբակցություն)

11. Վարդանյան Արփինե

12. Վարդանյան Էլինար

13. Վարդանյան Քրիստինե

10. 07. 2026, Երևան