Արևմուտքը դեղին քա՞րտ է ցույց տալիս Երևանին

Հայաստանում ԱՄՆ դեսպանի վերջերս արած հայտարարությունը այն մասին, որ ներդրումներին լրջորեն խանգարում են կոռուպցիայի մեծ չափսերը, առաջին տպավորությամբ ձևական բնութ էր կրում: Սակայն երբ պարզվեց, որ Հայաստանում Եվրամիության ներկայացուցիչը մարտի 8-ի կապակցությամբ հենց «Երկիր Ծիրանիի» հայտնի կնոջն էր շնորհավորել, ով կեղտաջրեր էր փորձել լցնել Տարոն Մարգարյանի սեղանին, պարզ է դառնում, որ այդ զուգադիպությունները կարող են և պատահական չլինել : Ի վերջո, Սվիտալսկին «չի հիշել» , ոչ «ԵԼՔ» -ի Մանե Թանդիլյանին, ոչ էլ ՀՀԿ-ական Արփինե Հովհաննիսյանին: Սա ցույց է տալիս, որ նրանք այդ քայլով կոնկրետ «մեսիջ» են ուղարկում ՀՀ իշխանություններին: Համաձայնվենք, որ «արևմտամետ» Մանեն, կամ «քաղաքակիրթ» Արփինեն ավելի շատ պետք է ուշադրության կենտրոնում լինեին , պոլիտկորեկտ «եվրոպացու» համար, քան՝ «Երկիր Ծիրանի» -ի ներկայացուցիչ «կոշտ» գործողությունների կողմնակից Մարինա Խաչատրյանը:

Այս քայլով Սվիտալսկին «հուշում է» հայ հանրությանը, նաև թե ո՞ւմ է  համարում այսօր ՀՀ իշխանություններին իրական օպոնենտ: Իհարկե տիկին Փոստանջյանի քաղաքական միավորը իրենից հզոր ուժ չի ներկայացնում, սակայն Բաղրամյան 26-ի վերահսկողությունից դուրս է գտնվում: Եվ նման քայլով, «եվրոպացին» իր դժգոհությունն է առաջացնում առ ՀՀ իշխանություններ:

Իհարկե այս դեմարշները ֆոնային բնութ են կրում, և իր մեջ չեն պարունակում լուրջ վտանգ: Սակայն այդ քայլերով Բաղրամյան 26-ին ուզում են ցույց տալ, որ ավելիին էին սպասում Երևանից, և Արևմուտք - Ռուսաստան աճող հակամարտության պայմաններում Հայաստանից սպասում են ավելի լոյալ դիրքորոշում, քան որ, իրենց կարծիքով, առկա է այսօր:

Հակոբ Կարապետյան