Փաշինյանի ռեժիմի անմարդկային վերաբերմունքը. սատկացրել են Ծառուկյանի սպիտակ առյուծներից մեկին. ՔՊ-ն ինչի դիպչում է, մահ ու կորուստ է բերում

Փաշինյանի ու «քաղպայմանագրի» բռնատիրական ռեժիմը, պարզվում է, որ մաղձ՛ ու ատելություն է շնչում ոչ միայն հայ մարդկանց, հատկապես՝ իրենց մերժողների հանդեպ, այլև... կենդանիների: Նրանք թունոտ ատելություն են տածում ամեն լավ բանի նկատմամբ, ինչի դիպչում են՝ ավեր, մահ ու կորուստ են բերում...
Այդ են վկայում տարածվող տեղեկությունները, որ երեկ Գագիկ Ծառուկյանի առանձնատան տարածքում եղած մասնավոր կենդանաբանական այգուց անհասկանալի պատճառներով այսպես ասած՝ «առգրավված» առյուծներից մեկը, որ «առգրավման» նպատակով քնեցվել էր, այդպես էլ քնած է մնացել: Այսինքն, գործնականում նիկոլական քննիչները սպանել կամ սատկացրել են եզակի կենդանուն (սպիտակ առյուծներ աշխարհում շատ լիչ կան): 
Կարելի է ենթադրել, որ նիկոլականները դա հատուկ են արել, նպատակային, որպեսզի ցավ պատճառեն Գագիկ Ծառուկյանին: Բանն այն է, որ ըստ մեր ունեցած տեղեկությունների, սպանել են հենց այն առյուծին, որին կորյուն ժամանակ խնամում էր Գագիկ Ծառուկյանը:  

ԲՀԿ առաջնորդ Գագիկ Ծառուկյանի ընդունելությունների տանից տեղափոխելու համար առյուծների քնեցնելը վտանգավոր հետևանքներ է ունեցել։ Այս մասին գրում է «Փաստինֆո»-ն՝ վկայակոչեով իր տեղեկությունները։

Ոչ պաշտոնական տեղեկություններով՝ քնեցված առյուծներից մեկը չի արթնացել։

«Մեկնաբանություն ստանալու համար մենք դիմեցինք Կենդանաբանական այգի, սակայն մամլո խոսնակը հրաժարվեց հերքել կամ հաստատել մեր տեղեկությունը՝ ուղղորդելով Երևանի քաղաքապետարան։

Մենք սպասում ենք Երևանի քաղաքապետարանի պարզաբանմանը»,-գրում է աղբյուրը։

Եթե  հաստատվեն տեղեկությունները, ապա պետք է քրեական գործ հարուցել բոլոր նրանց դեմ, ովքեր մասնակցություն են ունեցել առյուծի սպանությանը: