Գաղտնիք բացեմ․․․ չեմ նախանձում էդ մարդկանց, զզվելի մթնոլորտ է այնտեղ
«Մայր Հայաստան» կուսակցության վարչության անդամ Արեգնազ Մանուկյանը հարցազույց է տվել Euromedia24-ին: Հարցազրույցի հղումը զետեղելով ֆեյսբուքյան էջում՝ նա գրում է. «Գրող Մարկ Տվենի հայտնի խոսքը կա՝ իմ մահանալու մասին լուրերը չափազանցված են։ Տվյալ պարագայում կարելի է ասել, որ Հայաստանում արդարադատության մահանալու մասին լուրերը չափազանցված չեն։
Հունիսի 7-ին ՔՊ-ական իշխանության կողմից բոլորի աչքի առաջ տեղի ունեցավ ժողովրդավարության, արդարության, արդարադատության սպանությունը, այն էլ՝ առանձնակի դաժանությամբ, իսկ արդեն հուլիսի 4-ին ՍԴ-ի կողմից դրանք հուղարկավորվեցին։
Սահմանադրական դատարանը թաղեց Սահմանադրությունը։
Սահմանադրական դատարանը միացավ ՔՊ-ի ձայնագողությանը և ինքն էլ դարձավ հանցակից ու ձայնագող։
Բայց դե, ՍԴ դատավորների աթոռներին հենց այս օրվա համար էլ նստեցվել էին այդ փոքրիկ նիկոլները։
Իսկ դրան զուգահեռ երկրում շարունակվում են ռեպրեսիաները։ Ուրսուլաները ձմերուկներ են դրել իրեն բռնապետ երևակայածի թևերի տակ և քաղաքական հետապնդումների համար կանաչ լույս վառել, միայն թե իրենց խամաճիկին օգտագործեն հակառուսական կեղտոտ ծրագրերում և Հայաստանն էլ դարձնեն աշխարհաքաղաքական բախումների մանրադրամ։
Սա կանխելու համար անհրաժեշտ է միավորվել ու միասնական ճակատով պայքարել, ինչի մասին մշտապես բարձրաձայնել և այդ ուղղությամբ շարունակ ջանք է գործարդել «Մայր Հայաստան» կուսկացության նախագահ Անդրանիկ Թևանյանը, ով մինչ օրս գտնվում է «Երևան-Կենտրոն» ՔԿՀ-ում և ապօրինի հետապնդման է ենթարկվում փոքրիկ բռնապետի ուղիղ հրահանգով։
Ազատություն Անդրանիկ Թևանյանին
Ազատություն բոլոր քաղբանտարկյալներին»:
Հետևեք մեզ Facebook-ում