«Ես սա համարում եմ հանցագործություն, թալան, բյուջեի հանցավոր մսխում հանուն սեփական քմահաճույքների, հանուն թուրքական ստրկության»
Վահե Սարգսյանը նկատում է. «Ես սա համարում եմ հանցագործություն, թալան, բյուջեի հանցավոր մսխում հանուն սեփական քմահաճույքների, հանուն թուրքական ստրկության։
Փորձելով կանխել սեփական ձեռամբ ստեղծված ճգնաժամը` սրանք Ռուսաստանի կողմից կիրառվող սահմանափակումների պայմաններում որոշել են արտահանողների փչացող կամ չարտահանված ապրանքի դիմաց փող տալ` ծիրանի 1 կիլոգրամի համար` 200 դրամ,
սալորի, դեղձի և նեկտարինի յուրաքանչյուր 1 կգ համար` 250 դրամ,
կեռասի յուրաքանչյուր 1 կգ համար` 400 դրամ,
շշալցված խաղողի գինու յուրաքանչյուր 1 լիտրի համար` 350 դրամ,
շշալցված բրենդիի յուրաքանչյուր 1 բացարձակ լիտրի համար` 830 դրամ,
շշալցված հանքային ջրի յուրաքանչյուր 1 լիտրի համար` 150 դրամ։
Այսինքն, դու հանցավոր գործունեությամբ փակես ՌԴ շուկան, ստեղծես արհեստածին ճգնաժամ ու նաև իմ հարկերից գոյացած պետական բյուջեն ծառայեցնես սեփական դեմքը փրկելու համար։
Էն փողը, որը պիտի ծառայեր իմ երեխաների կրթությանը, բանակին, գիտությանը, առողջապահությանը, աղքատության վերացմանը, հանցավոր ռեժիմը բաժանում է արտահանողներին, սեփական քրտինքով բարիք ստեղծող էն մարդկանց, որոնց կործանման առջև է կանգնեցրել։
Այսինքն ինչ, չարտահանվող ծիրանի, կեռասի ու բիբարի փողը տալիս է, որ մարդիկ տանեն, թափեն...
Ու պարզ է` սա այսրոպեական քայլ է, էդ բոլոր մարդիկ մյուս տարի էլ ոչինչ չեն աճեցնելու կամ արտադրելու, և ի՞նչ, այո, ճիշտ կռահեցիք, բացվելու է թուրքական ստրկության մեծ շուկան...
Հ.գ. Եվրոպա արտահանման կապիկությունների, էդ աբսուրդի թատրոնի մասին անգամ չեմ ուզում խոսել...»:
Հետևեք մեզ Facebook-ում