ՔՊ-ն հատեց վերջին կարմիր գիծը․ ընտրությունները չեն կարող համարվել լեգիտիմ

Հունիսի 7-ի ընտրություններն աննախադեպ էին 2 դրվագով։

Հունիսի 7-ին հատվեց այդ վերջին կարմիր գիծն էլ։ ՔՊ-ական իշխանությունն այլևս չի կարող համարվել լեգիտիմ, քանի որ թե՛ նախընտրական շրջանը, թե՛ բուն քվեարկության օրն անցել են բազմաթիվ խախտումներով։ Քաղաքական հետապնդումներ, ապօրինի կալանավորումներ, բռնություններ, վախի մթնոլորտի տարածում, վարչապետի աթոռը զբաղեցնողի կողմից սպառնալիքներ, վիրավորանքներ, իրավապահներին իջեցվող անօրինական հրահանգներ․․․

Թևանյանի կալանավորմամբ նպատակ ունեին նախ մեկուսացնել նրան նախընտրական պայքարից, նվազեցնել ԲՀԿ-ի աճող վարկանիշը, քարոզչության անհավասար պայմաններ ստեղծել։ Թևանյանը մինչև օրս գտնվում է «Երևան-Կենտրոն» քրեակատարողական հիմնարկում։

Այս ընտրություններն աննախադեպ էին նաև արտաքին ուժերի միջամտությամբ, որոնք իրենց բացահայտ աջակցությունն էին հայտնում Նիկոլ Փաշինյանին։ Ոչ թե նրա «գեղեցիկ» աչքերի, այլ ընդդեմ Ռուսաստանի իրենց գործիքը դառնալու համար։ ՌԴ-ի տրամաբանական արձագանքն էլ իրեն ուշացնել չտվեց։ Եվ կարելի է ասել, որ Հայաստանը, Նիկոլ Փաշինյանի ձեռամբ, այլևս դարձել է աշխարհաքաղաքական բախումների մանրադրամ։

Ազատությո՛ւն քաղբանտարկյալ Անդրանիկ Թևանյանին

Արեգնազ Մանուկյանի ֆեյսբուքյան էջից