Սերժ Սարգսյան. Երբեք չի եղել պետության կողմից այս կարգի միջամտություն ընտրական գործընթացներին
«Ընտրական գործընացի մասնակից ուժերից առնվազն չորսն իսկապես պայքարում են Փաշինյանին իշխանությունից հեռացնելու համար»,-մինչ քվեարկելը լրագրողների հետ զրույցում հայտարարեց ՀՀ երրորդ նախագահ Սերժ Սարգսյանը։
Անդրադառնալով ընտրախախտումներին ու վարչական ռեսուրսի կիրառմանը Սերժ Սարգսյանը նշեց, որ այս ծավալներն աննախադեպ են․
«Ես ինքս մասնակցել եմ ավելի քան 10 ընտրապայքարի և վստահ կարող եմ ասել, որ երբեք չի եղել պետության կողմից այս կարգի միջամտություն ընտրական գործընթացներին, ես այսպիսի քարոզարշավ չեմ տեսել»։
Ինչ վերաբերում է միջազգային կառույցների տված գնահատականներին կամ իրականացրած վերահսկողությանը, Սերժ Սարգսյանը նշեց, որ նրանցից որևէ արձագանք ակնկալել պետք չէ, քանի որ նրանց աչքերն այժմ փակ են։
ՀՀԿ նախագահ Սերժ Սարգսյանն անդրադարձավ նաև թիամկիցներից Արման Սահակյանի ձերբակալության ու այն հարցին, ըստ որի՝ Սահակյանը ձայնագրության մեջ իր անունն է տվել․
«Ես տեղյակ չեմ այդ մասին։ Արման Սահակյանը միշտ էլ իմ անունը կարող է տալի, քանի որ նա մեր կուսակցության ամենամարտունակ անդամներից է, մեր խորհրդի անդամ է ու դեռ պետք է պարզել, Արման Սահակյանն իսկապես կապ ունի՞ ընտրակաշառք բաժանելու հետ, թե էլի դզած-փչած գործ է»,- ասաց երրորդ նախագահը։
Հետևեք մեզ Facebook-ում