ԻՀՊԿ-ն նախազգուշացնում է Հորմուզի նեղուցի լիակատար փակման մասին

Իսլամական հեղափոխության Պահապանների կորպուսը  բալիստիկ հրթիռներով պատասխան հարձակում է սկսել Քուվեյթում և Բահրեյնում գտնվող ամերիկյան ռազմական  օբյեկտների վրա՝ նախազգուշացնելով, որ ցանկացած հետագա ագրեսիա կհանգեցնի Հորմուզի նեղուցի լիակատար փակմանը նավթի և գազի արտահանման համար։ Այս մասին հայտնում է «Mehr» լրատվական գործակալությունը։

Իսլամական հեղափոխության պահապանների կորպուսը հայտարարել է, որ իր ավիատիեզերական ուժերը բալիստիկ հրթիռներով թիրախավորել են Քուվեյթի Ալի Ալ-Սալեմ ավիաբազան և Բահրեյնում գտնվող ԱՄՆ ռազմածովային ուժերի 5-րդ նավատորմի շտաբի մնացած կարևոր օբյեկտները՝ ի պատասխան ԱՄՆ անօդաչու թռչող սարքերի հարվածների Քեշմ կղզում և Սիրիկում գտնվող ԻՀՊԿ կապի աշտարակների վրա՝ Հորմուզի նեղուցում չարտոնված նավերի շարժման շուրջ բախումից հետո։

Մանրամասն հայտարարության մեջ ԻՀՊԿ-ն ներկայացրել է է հարվածներին հանգեցրած իրադարձությունների ամբողջական հաջորդականությունը՝ նշելով, որ ժամը 01:30-ին չորս նավեր  փորձել են դուրս գալ Հորմուզի նեղուցից՝ առանց ԻՀՊԿ ռազմածովային ուժերի հետ համաձայնեցման և անտեսելով նախազգուշացումները։

ԻՀՊԿ ռազմածովային ուժերի նախազգուշացումներից հետո նավերից մեկը հարվածվել և կանգ է առել, մինչդեռ մնացած նավերը հետ են վերադարձել։

Ժամը 02:00-ին ամերիկյան անօդաչու թռչող սարքերը հարվածել են ԻՀՊԿ երկու հեռահաղորդակցական աշտարակների՝ մեկը Քեշմ կղզում և մեկը Սիրիկում։ Անմիջապես հակահարված տալու նպատակով, ԻՀՊԿ-ի ավիատիեզերական ուժերը թիրախավորել են Քուվեյթի Ալի Ալ-Սալեմ ավիաբազան և Բահրեյնում ԱՄՆ ռազմածովային ուժերի 5-րդ նավատորմի շտաբի մնացած կարևոր օբյեկտները։

«Եթե այս ագրեսիայի գործողությունները կրկնվեն, պատասխանը սահմանափակ չի լինի», - ասվում է հայտարարության մեջ՝ հավելելով. «Դուք (ԱՄՆ-Իսրայելական կոալիցիան) պատասխանատու կլինեք Հորմուզի նեղուցի լիակատար փակման հետևանքների համար ձեր նավթի և գազի արտահանման համար»։