Նիկոլ Փաշինյանը մեղավոր է

3 Հունիս, 2026 20:08

«Մայր Հայաստան» կուսակցության նախագահ Անդրանիկ Թևանյանի 8-րդ հոդվածը «Երևան-Կենտրոն» քրեակատարողական հիմնարկից

--------

Նիկոլ Փաշինյանը մեղավոր է

Ալիևի թեկնածու Նիկոլ Փաշինյանի ապօրինի հրահանգներով կալանավորվում, հետապնդվում են իր քաղաքական հակառակորդները։ Սակայն շուտով տեղերը փոխվելու են, և մենք Հայաստանի Հանրապետության անունից դատելու ենք նրան։

Նիկոլը մեղավոր է։ Նա մեղադրվում է՝

-Արցախի հետ կապված բանակցային գործընթացը տապալելու, Հայաստանին դաշնակիցներից զրկելու և մեր երկիրը մեկուսացնելու համար,

-Ադրբեջանին ու Թուրքիային Արցախի վրա հարձակվելու հնարավորություն տալու, պատերազմ, պարտություն բերելու, հազարավոր զոհերի ու վիրավորների պատճառ դառնալու համար,

-Ապօրինի քաղաքական հետապնդումների համար,

-ՀՀ բյուջեն մսխելու, «Հայաստան» համահայկական հիմնադրամը թալանելու, պետական պարտքը կրկնապատկելու և այդ գումարները վատնելու համար,

-Հայաստանի տարածքային ամբողջականությունը չապահովելու և մեր տարածքները ապօրինաբար հանձնելու համար,

-Դատարանը շրջափակելու ապօրինի գործողությունների համար,

-Սահմանադրական դատարանը զավթելու համար,

-Հայոց Ցեղասպանությունն ուրանալու համար,

-2022թ․ հոկտեմբերի 6-ին Պրահայում Արցախն Ադրբեջանի մաս ճանաչելու, Ադրբեջանին Արցախը շրջափակելու հնարավորություն տալու, Արցախում 120 հազար հայերի էթնիկ զտմանը նպաստելու համար,

-2018թ․ Ազգային ժողովի վրա որպես գործադիր իշխանության ղեկավար գրոհելու համար,

-Կորոնավարակի փուլում ՀՀ քաղաքացիների կյանքն ու առողջությունը, հանուն սեփական քաղաքական նպատակների, վնասելու համար,

-Փաշազադեի հրահանգով Հայ Առաքելական Սուրբ եկեղեցու դեմ հարձակումներ կազմակերպելու համար,

-ՀՀ քաղաքացիներին իր քաղաքականությամբ մահվան հասցնելու համար,

-Հայ կանանց որդեկորույս դարձնելու համար («Կարող էի այս ամենին հասնել առանց զոհերի, բայց դա չարեցի, որ ինձ չասեն «Նիկո՛լ, դավաճա՛ն»»),

-Հայաստանն աշխարհաքաղաքական բախումների մանրադրամ և մեր երկրի տարածքները սակարկման առարկա դարձնելու համար,

-Համապետական և տեղական ընտրություններում ապօրինություններ կիրառելու համար (նախընտրական, ընտրական, հետընտրական փուլերում),

-44-օրյա պատերազմի ժամանակ մեր զորքերի ռազմական օպերացիայի մասին թշնամուն հրապարակավ տեղեկություններ հայտնելու և օպերացիան այդպիսով տապալելու համար,

-44-օրյա պատերազմի ժամանակ պատերազմը հոկտեմբերի 17-ին չկանգնեցնելու և նոր զոհերի, նոր տարածքային կորուստների պատճառ դառնալու համար,

-Օտար երկրների հրահանգով հայ-ռուսական ռազմական հարաբերությունները փչացնելու և մեր երկրի տնտեսությանը հսկայական վնասներ հասցնելու համար,

-Թուրքիայի և Արդբեջանի թելադրած օրակարգը սպասարկելու համար,

-ադրբեջանցիների՝ Հայաստանում բնակեցնելու Ալիևի ծրագրին սատարելու համար,

-ՀՀ քրեկան օրենսգրքի բազմաթիվ այլ հոդվածներով հանցագործություններ կատարելու համար։

Փաշինյանի կատարած հանցագործությունների ամբողջական ցանկը կբացահայտվի իշխանափոխությունից հետո՝ երբ կիրականացվի իրավաքաղաքական հերձում։

Նիկոլ Փաշինյանը պետք է պատժվի, որպեսզի արդարություն հաստատվի, Հայաստանը մաքրի իր վրայից խայտառակության խարանը։ Մեզ միայն այդ դեպքում կհարգեն և հաշվի կնստեն հետներս։ Սա նաև արժանապատվության հարց է։

Հարգելի՛ քաղաքացի,

Միացի՛ր, որ հաղթենք,

Միացի՛ր, որ պատժենք,

Միացի՛ր, որ փոխենք։

Անդրանիկ Թևանյան

«Մայր Հայաստան» կուսակցության նախագահ

«Բարգավաճ Հայաստան» կուսակցության համամասնական ցուցակի 2-րդ համար

03․06․2026

------

Հ․Գ․ Օրենքով սահմանված կարգով Անդրանիկ Թևանյանն ունի վստահված անձանց միջոցով հանրության հետ շփվելու իրավունք։ Մինչև նախընտրական քարոզարշավի ավարտն Անդրանիկ Թևանյանի ուղերձները կհրապարակվեն «Մայր Հայաստան» շարժման ֆեյսբուքյան էջով։