Փաշինյանը ՀՀ քաղաքացիներից թաքցնում է ԵԱՏՄ-ից Հայաստանի դուրս գալու գինը. Վոլոդին

ՀՀ վարչապետ Նիկոլ Փաշինյանը հանրությունից թաքցնում է Եվրասիական տնտեսական միությունից (ԵԱՏՄ) Հայաստանի դուրս գալու ծախսերը: հայտարարում է  Պետդումայի խոսնակ Վյաչեսլավ Վոլոդինը՝ հավելելով, թե բնակիչների համար գազի գները գրեթե քառապատկվելու են, իսկ Ռուսաստան մուտք գործելու համար ներգաղթի արտոնությունները չեղյալ են հայտարարվելու։

Փաշինյանը նախկինում խոստացել էր վճարել հայ գյուղացիներին այն բերքի համար, որը նրանք չեն կարողանում արտահանել Ռուսաստան՝ Մոսկվայի կողմից սահմանված սահմանափակումների պատճառով։

«Նա Հայաստանի քաղաքացիներից թաքցնում է Եվրասիական տնտեսական միությունից (ԵԱՏՄ) երկրի դուրս գալու ծախսերը, մասնավորապես՝ բնակիչների համար գազի գները կբարձրանան գրեթե չորս անգամ, Ռուսաստան մուտք գործելու ներգաղթային արտոնությունները կչեղարկվեն, իսկ աշխատանքը հնարավոր կլինի միայն արտոնագրով», - գրել է նա Max հարթակի իր ալիքում։

Վոլոդինը հավելել է, որ ԵԱՏՄ-ից Հայաստանի դուրս գալուց հետո Ռուսաստանից Հայաստան կատարվող միջսահմանային դրամական փոխանցումները, որոնք ներկայումս տարեկան կազմում են գրեթե 4 միլիարդ դոլար, կտրուկ կնվազեն։ Նույն ճակատագրին կարժանանա նաև ծաղիկների, հատապտուղների, մրգերի, բանջարեղենի, ձկան, ալկոհոլի և հանքային ջրի առաքումները Հայաստանից Ռուսաստան։

«Բորբոսը մեռնում է լույսի ներքո։ Հայաստանի վարչապետ Փաշինյանի հայտարարությունն այն մասին, որ ինքը «կվճարի յուրաքանչյուր փչացած պղպեղի» համար, որը սահմանափակումների պատճառով չի առաքվի Ռուսաստան, հստակ ցույց է տալիս դա», - նշեց Պետդումայի խոսնակը։