Դուք կանգնել եք արտաքին թշնшմnւ դեմ, այսօր ժամն է կանգնելու ներքին թշնшմnւ դեմ. Բագրատ Սրբազանը՝ տավուշցիներին

«Հոգևոր Հայաստանը պետք է հաղթի և հայոց գալիք հաղթանակն այլընտրանք չունի։ Անպայման գնացեք ընտրության և վստահ եմ՝ կընտրեք Հայաստանը»,-Տավուշում՝ Նոյեմբերյանում, քարոզարշավի շրջանակում բնակիչների հետ հանդիպմանը «Հայաստան» խմբակցության պատգամավոր Գեղամ Մանուկյանն ընթերցեց Բագրատ արքեպիսկոպոս Գալստանյանի ուղերձը՝ տավուշցիներին։

Մանուկյանն ասաց, որ երեկ Սեյրան Օհանյանի հետ Սրբազանի մոտ են եղել և երբ տեղեկացել է, որ գնալու են Տավուշ, որոշել է իր օրհնությունը գրել և խնդրել է փոխանցել:

Մանուկյանն ընթերցեց Բագրատ Սրբազանի ուղերձը.

«Սիրելի՛ հարազատներ, իմ սիրելի՛ տավուշցիներ, սրտի խորքից, ողջ սիրով ողջույններ եմ հղում ձեզ՝ մեր պատմության այս վճռորոշ հանգրվանում։ Ես մշտապես ասել եմ, որ դուք հայության ինքնատիպ նկարագիրն եք կրում և հասել է նաև ժամը՝ ձեր նկարագրին հարազատ, ձեր անվաճառելի խոսքով ասեք մեր հայրենիքի ազատագրության այս կարևոր փուլում ևս։

Դուք տարիներ շարունակ կյանքով վճարել ու վկայել եք՝ պաշտպանելով մեր երկրի սահմանները, թիկունք լինելով նաև մեր Արցախ աշխարհին։ Դուք կանգնել եք արտաքին թշնամու դեմ, այսօր ժամն է կանգնելու ներքին թշնամու դեմ։ Չեք վախեցել և ոչ միայն չեք վախեցել, այլև ձեր բազուկը հաղթել է ադրբեջանական հրոսակներին, իսկ այսօր ձեր բազուկը կոչված է վերջ դնելու ներքին ադրբեջանական հրոսակին։

Չեմ ուզում երկար գրել, բայց հիշեք՝ մենք մեր վերջին խոսքը չենք ասել թշնամուն և այդ խոսքը պիտի լինի հաղթական։ Եվ դարձյալ ասում եմ՝ հոգևոր Հայաստանը պետք է հաղթի և հայոց գալիք հաղթանակն այլընտրանք չունի։ Անպայման գնացեք ընտրության և վստահ եմ՝ կընտրեք Հայաստանը։ Միասին կարող ենք:

Սիրով և աղոթքով, հաղթանակի տեսիլքով, հայրենիքի կալանավոր՝ Բագրատ արքեպիսկոպոս Գալստանյան»։
Աղբյուրը` Panorama.am