ԲՀԿ առաջնորդ Գագիկ Ծառուկյանը Մասիսում է

Խորհրդարանական ընտրությունների մասնակից «Բարգավաճ Հայաստան» կուսակցության առաջնորդ Գագիկ Ծառուկյանն ու թիամկիցներն այս պահին Արարատի մարզի Մասիս համայնքում են՝ բնակիչներին ներկայացնելու քաղաքական ուժի «Առաջարկ Հայաստանին» ծրագիրը։

Այստեղ էլ քաղաքական գործչին դիմավորում են բարձր տրամադրությամբ՝ փոքրիկ դհոլահարների նվագի ու «Ծառուկյան, Ծառուկյան» բացականչությունների ներքո։

Ծառուկյանն այստեղ խոսեց ներդրումների հնարավորություններից, նշեց երկրում քանդելու, բռնելու, խլելու, նստեցնելու կոչեր են, որոնք չեն նպաստում ներդրումներ անելուն։

«Եթե մարդը լիարժեք գործարանը գնել է, 25 տարի անցել է, աշխատել է, ներդրում է արել, ամսական 500 մլն դրամ հարկ է տալիս, նայում են, որ հակառակ ենք խոսում, ճիշտ ենք խոսում, ժողովուրդը վստահում է, անցնում են բռնելուն, խլելուն; Ձեր ցավը տանեմ, ես ասել եմ, իմ հայրենիքն ունեցվածքի հետ չեմ փոխի»,-հայտարարեց նա բեմից։

Լուսանկարը՝ արխիվից։
Մանրամասները՝ տեսանյութում։
Աղբյուրը` Panorama.am