Նիկոլը հուշել է․ մտնելու են աշխատասենյակ և «սիրով» դուրս հրավիրեն իրեն․ Հայկ Նահապետյան

Oragir.News-ի «Օրակարգ» հաղորդաշարի հյուրը ռազմական փորձագետ Հայկ Նահապետյանն է։

Հարցազրույցի շրջանակներում Հայկ Նահապետյանի հետ զրուցել ենք մայիսի 28-ին Հանրապետության հրապարակում կայացած զորահանդեսի նպատակների և քարոզչական շեշտադրումների, ձեռք բերված սպառազինության և դրա պիտանելիության, այս կիրակի կայանալիք խորհրդարանական ընտրություններին մասնակցելու կարևորության, հնարավոր ընտրակեղծիքների և դրանց դեմ պայքարելու ճանապարհների, ընդդիմադիր ուժերի հնարավորությունների, հետընտրական հնարավոր զարգացումների, Նիկոլ Փաշինյանին ցուցաբերվող արտաքին աջակցության և դրա պատճառների, ինչպես նաև օրակարգային մի շարք այլ հարցերի վերաբերյալ։

Հայկ Նահապետյանը շեշտում է՝ ընդդիմության հաղթանակի դեպքում Հայաստանում երկիշխանություն է լինելու։

«Փաշինյան ընդդիմադիրն այսօրվա ընդդիմությանը հուշում է, թե ընդդիմության հաղթանակից հետո երկրում պետք է ստեղծվի երկիշխանություն․ փաստացի նախկինները պարտվել են, բայց իշխանությունը չեն հանձնում։ Այսինքն՝ դա լենինյան հայտնի ձևակերպումը կա՝ վերևիները չեն կարող, ներքևիները չեն ուզում։ Այսինքն վերևիները չեն կարող կառավարել, որովհետև դրա իշխանությունը չունեն, պարտվել են, ներքևիները՝ չեն ուզում, որ վերևիները մնան, որովհետև իրենք հաղթել են, բայց չեն կարողանում, որովհետև փաստացի իշխանություն չունեն, և Փաշինյան Նիկոլը տալիս էր լուծումը մտնում եք շենք և իրեն դուրս են հրավիրում։

Ասենք ինքը կոնկրետ Արդարադատության նախարարի մասին էր ասում, ինչ կառավարության ինչ-որ մի շենք մտնում ես նաև մի շենք, իրեն դուրս ես հրավիրում, ասում ես՝ հարգելիս, դու պարտվել ես։ Եվ սա, ընդ որում ինքն ասում էր՝ նույնիսկ եթե Կենտրոնականն ինչ-որ թվեր հրապարակի, մենք բոլոր տեղերից, տեղամասերից՝ 1900 քանի տեղամասից վերցնում ենք տվյալները, գումարում ենք և պարզվում ենք, որ մենք հաղթել ենք 50% գումարած 1: Նամակ, գրություններ ենք ուղարկում առաջին հերթին, իր խոսքերն եմ ասում, բավականին խելամիտ էր ի դեպ, ուժային կառույցների ղեկավարներին՝ ԱԱԾ, Ոստիկանություն, Դատախազություն, որ փաստացի մենք, սա տվյալներն են ընտրատեղամասերից, Կենտրոնականը կեղծել է, հետո միջազգային կառույցներին են ուղարկում այդ տվյալները, որ մենք հաղթել ենք, փաստացի իշխանությունը մենք ենք, իշխանությունը չի հանձնում։ Դե բնականաբար իշխանությունը չի հանձնվում, իրենք մտնում են իշխանության ներկայացուցչին կառավարության շենքից կամ տարբեր նախարարությունից սիրով դուրս են հրավիրում»,- ասաց նա՝ շեշտելով, որ բախումների վտանգ միշտ էլ կա։

Փորձագետի խոսքով՝ Նիկոլը Փաշինյանը վարկանիշի երկնիշ անկում ունի։

Մանրամասները՝ հարցազրույցում․