Փաշինյանական ռեժիմի ռեպրեսիաները ընդդիմության դեմ ավելի ու ավելի են ծավալվում

Հոգեվարքի ջղակծկումների մեջ գտնվող փաշինյանական ռեժիմը ընդդիմության դեմ ռեպրեսիաներին լայն թափ է հաղորդում՝ ընտրություններից հաշված օրեր առաջ: 
Տեսեք. 9 օր առաջ, բացարձակապես մտացածին մեղադրանքով կալանավորվեց «Մայր Հայաստան» կուսակցության նախագահ, ԲՀԿ ցուցակով առաջադրված (ցուցակում 2-րդ համարը) Անդրանիկ Թևանյանը:
Այսօր ձերբակայլվել է «Ուժեղ Հայաստանի» առաջատար ներկայացուցիչ Ալիկ Ալեքսանյանը, ինչի վերաբերյալ փաշինյանական «Քննչական կոմիտեի» հաղորդագրության մեջ նշվում է, որ «գործով» քննության շրջանակներում 500 (հինգ հարյուր) մարդ են հարցաքննել: Ինչո՞վ սա ռեպրեսիա չէ: 
Այս պահին, էլ, ինչպես հայտարարեց ՀՅԴ ԳՄ ներկայացուցիչ Իշխան Սաղաթելյանը, խուզարկություններ են իրականացվում «Հայաստան» դաշինքի նախընտրական շտաբներում: 
Սա ամենաիսկական տեռոր է ընտրապայքարի մեջ մտած հիմնական ուժերի, ընդդիմադիրների դեմ: Նման պայմաններում «ընտրություններ» մեկ էլ, երևի հիտլերյան Գերմանիայում ֆաշիստներն են իրականացրել: Պատահական չի, որ այդ նրանց թոռները հիմա եկել, Հայաստանում «եվրոհիբրիդություն» են անում:
ՔՊ-ին ու Փաշինյանին սպասարկող «քննչական կոմիտե» կազմակերպության հաղորդագրության մեջ Ալեքսանյանի վերաբերյալ մասնավորապես նշվում է. «Ա.Ա.-ի նկատմամբ հսկող դատախազի որոշմամբ հարուցվել է հանրային քրեական հետապնդում՝ Քրեական օրենսգրքի 236-րդ հոդվածի 2-րդ մասով (հավաքին մասնակցելու նպատակով նյութապես շահագրգռելը) և 296-դ հոդվածի 3-րդ մասի 3-րդ կետով (առանձնապես խոշոր չափերով փողերի լվացումը): Վերջինս քննիչի որոշմամբ՝ ՀՀ ՆԳՆ ոստիկանության կողմից ձերբակալվել է՝ կալանքը որպես խափանման միջոց ընտրելու նպատակով»:

Ի դեպ, ՔՊ-ի պետ Նիկոլ Փաշինյանը, որ մրցակիցներին սհանելու, ֆիզիկական բռնություն գործադրելու բացահայտ սպաշնալիքներ է հնչեցրել (ինչն արձանագրված է), իսկ այսօր էլ իր քաղաքականության հետևանքով տուժող ֆերմերներին բացեիբաց ընտրակաշառք (փող) էր առաջարկում, ազատ շրջում է և խաշլամա կլնաում: