Ժողովուրդն ու պետությունը փորձի մատերիալ չեն. Ծառուկյան

«Որտեղ որ եղել եմ, իմ ազգի պատիվը միշտ բարձր եմ պահել։ Այսօր ասում եմ՝ կզարգացնենք, կծաղկացնենք, 100 տոկոս համոզված եղեք»,-քարոզարշավի շրջանակում Ալավերդիում քաղաքացիների հետ հանդիպմանն ասաց ԲՀԿ առանորդ Գագիկ Ծառուկյանը։

Որպես օրինակ բերեց սպորտի ոլորտը. «Սպորտի ոլորտը վերցրել եմ, գումարը դրել եմ, կառուցել եմ, մարդկանց հետ եմ բերել և 8 տարվա ընդմիջումից հետո 6 մեդալ ենք բերել օլիմպիական խաղերում։

Հիմա այսօր տարեկան ունենք 1000 մեդալ, որից 150-200 ոսկի է, ցանկացած մրցաշարում ոսկի մեդալի են արժանանում մեր մարզիկները, լինում են դեպքեր, որ թիմայինում էլ առաջինն ենք։ Բայց սպորտն էլի այսօր իմ ուզածը չէ։

930 գյուղ ունենք, միայն 50-ում սպորտ դպրոց կա։ Բոլոր միջավայրերում պարտադիր է սպորտ դպրոցը մեր երեխաներին փողոցից կտրելու համար»։

Նա նշեց, որ կառուցող մարդ է՝ կառուցել է բնակավայրեր, տներ, սպորտ դպրոցներ, հյուրանոցներ, եկեղեցիներ, Քրիստոսի արձանը, սարքելու է Նոյան տապանը։

«Այսօր այս օրին ենք, քանի որ մեր կառավարության կազմը անփորձ երիտասարդների հավաքածու է։ Ժողովուրդը փորձի մատերալ չէ, պետությունը փորձի մատերիալ չէ։ Պետք է լինեն այնպիսի մարդիկ, որոնք փորձ ունեն, արդյունք են ցույց տվել, ովքեր սիրում են իրենց ժողովրդին ու մտածում են ժողովրդի մասին»,- ասաց Գագիկ Ծառուկյանը։ 

Մանրամասն՝ տեսանյութում։ 
Աղբյուրը` Panorama.am