Մենք քիչ ասում ենք, շատ անելու ենք․ Գագիկ Ծառուկյանը՝ Գավառում

Գեղարքունիքի մարզի Գավառ բնակավայրում ԲՀԿ առաջնորդ Գագիկ Ծառուկյանը նախ շնորհակալություն հայտնեց՝ ջերմ ընդունելության համար, ապա գավառցիներին ներկայացրեց նախընտրական ծրագիրը։

Ծառուկյանը, մասնավորապես, ընդգծեց, որ մանրակրկիտ ծանոթ է տեղի խնդիրներին և յուրաքանչյուր խնդրին ունեն լուծում։

 «Այսօր չլուծվող խնդիր չկա,պարզապես հարկավոր է լիարժեք մարդու մասին մտածել, քայլ կատարել, որ մարդը լիարժեք  կարողանա իր ընտանիքը պահել։  Մարդկանց դեմքին ժպիտ լինի։

 Ժողովուրդը արդեն հոգնել է, հիասթափվել է, ժողովուրդը փոփոխություն է ուզում, որ իր մասին մտածող լինի, ում հավատ, ում ձայն է տվել, նա կարողանա մտածի, քայլ կատարի, որ մարդիկ զգան իրենց մասին մտածող է։ Ծրագրերը   բոլորիդ մոտ կա, կարդացեք, բոլորին վերաբերվում է, կետ առ կետ, էդ գրածը հիմնականում ինչ որ կարող ենք անել, ինչ որ անհրաժեշտ է։Ամպագոռգոռ բաներ չկան, կյանքում ինչ-որ ասել ենք՝ մեր ասածին տեր ենք եղել։ Մենք քիչ ասում ենք, շատ անելու ենք։ ժողովուրդ ջան, զրոյից կայացած մարդ եմ, ձեզանից մեկն եմ , սովորական աշխատող ընտանիքից, դժվար է եղել, արել ենք, ստեղծել ենք, պայքարել ենք, հասել ենք, աշխատանքով, քրտինքով ենք հասել։ Երբեք պետական պաշտոնի չեմ եղել։Բայց հնարավոր է, որ կազմակերպես կամք ունենաս, ձգտում ունաս հասնել»,- ասաց Ծառուկյանը։