Նո՞ր եք հայտնաբերել Հայաստանը. Ծառուկյանը՝ Փաշինյանին

«Սուտ ասելը փեշակ են դարձրել, «խաղաղություն» են բերել ու առանց ծրագրի ման են գալիս»,-վարդենիսցիների հետ հանդիպմանը հայտարարեց ԲՀԿ առաջնորդ Գագիկ Ծառուկյանը՝ խոսելով ՔՊ-ի ու դրա առաջնորդի քարոզարշավի ընթացքում հնչեցրած հայտարարությունների մասին։

Նա նշեց, որ ՔՊ-ն տեղից տեղ ավտոբուսներով մարդիկ է տեղափոխում, ստիպում է, որ մասնակցեն իրենց հավաքներին, հակառակ դեպքում սպառնում են գործից ազատել։

«Ցավդ տանեմ, ըսենց երկիր կառավարել չի լինի։ Ասելու բան ունեք, հելեք, ներկայացրեք, մի հատ նշան են սարքել՝ քարտեզ, կպցնելու, այ մարդ նո՞ր եք հայտնաբերել Հայաստանը՝ մասնատելով, բաժանելով, ադրբեջանցիները մտել են մեր հողերը, հետ չեն գնում, բարձունքների վրա ադրբեջանցիները հենակտեր են դրել, իրենք ասում են խաղաղություն են բերել։ Թող ցույց տան թուղթը՝ ստորագրած, պեչատած, իր ու ԱԼիևի, որ այսօրվանից խաղաղություն է, ոչ մեկ իրավունք չունի կրակելու; Ժողովուրդ ջան, Ադրբեջանի ախորժակը շատ մեծ է; մենք պետք է միասնական լինենք, ճիշտ ընտրություն կատարենք, որ Ղարաբաղի ճակատագրին չարժանանք»,-ասաց Ծառուկյանը։

Նա ընդգծեց նաև գործազրկության խնդիրը, վարկերի տակ կքած լինելը, գյուղատնտեսական գործերում անօգնական թողնելն ու սահմանամերձ համայնքների բնակիչների համար արտոնությունների չտրամադրումը։

«Մարդն ուզում է իր հողի վրա տուն սարքի, տղուն ամուսնացնի։ Ասում են՝ 1 մլն պիտի վճարեք, որ թողնենք տուն կառուցես։ Փոխարեն ասեն, եթե տուն ես կառուցում, 1 մլն էլ ես եմ կառուցում, դա սահման պահել է, ժողովուրդ։ Համայնքները դատարկելով, այն հանձնում ենք ադրբեջանցիներին»,-ասաց Ծառուկյանը։

Մանրամասները՝ տեսանյութում։
Աղբյուրը` Panorama.am