Գագիկ Ծառուկյանի ու թիմակիցների նախընտրական հանդիպումը Մալաթիա-Սեբաստիա վարչական շրջանում

Գագիկ Ծառուկյանի ու թիմակիցների նախընտրական հանդիպումը Մալաթիա-Սեբաստիա վարչական շրջանում:

 «Դուք եք ընտրվելու»,- Մալաթիա-Սեբաստիա վարչական շրջանում , որտեղ իրազեկման երթ էին անցկացնում  «Բարգավաճ Հայաստան» կուսակցության նրկայացուցիչները՝ Գագիկ Ծառուկյանի առաջնորդությամբ, ասաց Ծառուկյանին մոտեցած երեխան։

Գագիկ Ծառուկյանն էլ կիսեց երեխայի պնդումը և շարունակեցին երթը։

ԲՀԿ անդամների Արման Աբովյանը քայլերթի ընթացքում, դիմելով վարչական շրջանի բնակիչներին, ասաց․

«Տեսնում եմ՝ պատուհաններից ձեռքով են անում, ձեռքս հասներ՝  կսեղմեի։ Տեսե՛ք, ժողովուրդ ջան, բացի նրանից, որ արտաքին ճակատում տանուլ են տվել, հլը մի բան էլ բոլորիս գրպանն են մտել, ասում է՝ գույքահարկը պետք է բարձրացվի, իսկ ով չի կարող վճարի, թող տները ծախի գնա։ Տո դու քո տները ծախի ու գնա։ Միայն քննադատելով չի, այս պարագայում ամեն քննադատություն պետք է ստանա նաև լուծումը, իսկ բանալին և լուծումը «Առաջարկ Հայաստան»-ի Գագիկ Ծառուկյանի կոնցեպտն է, մտահղացումը, որը կազմել էինք մենք՝ բոլորս։ Բազմաթիվ առաջարկներ ենք ստացել Մալաթիա-Սեբաստիա վարչական շրջանի բնակիչներից։ Առաջարկներից մեկը՝  գույքահարկի երկակի կրճատումն է։ Այդ առաջարկն ընդունվում է։  Պետք է շատ հստակ և պարզ հասկանալ՝ մեր խնդիրների լուծողը մենք ենք, մեր տեղը ոչ ոք այդ խնդիրները չի լուծելու»։

Նա նաև կոչ արեց բնակիչներին՝   հունիսի 7-ին քվեաարկել համար 7-ին։

Տեղեկատվությունը՝ Panorama.am-ի
Տեսանյութը՝ «Կենտրոն» ՀԸ էջից: