Եթե հնարավորությունն իմ ձեռքում լինի, ապա մի ամիս չի կարող տևել, որ նրանք այնտեղ մնան. Ծառուկյանը՝ Բաքվում պահվող ռազմագերիների մասին

«Ցանկացած հայ մարդու, ղեկավարի, պատասխանատուի կամ Հայաստանի բնակչի համար պատվի արժանապատվության խնդիրն է։ Եթե քո զինվորները, կամ նախագահներն ու գեներալներն այնտեղ են, դու չես կարա գլուխդ բարձր պահես, այլ պետք է այդ հարցով զբաղվես»,-հրավիրված ասուլիսում ասաց «Բարգավաճ Հայաստան» կուսակցության առաջնորդ Գագիկ Ծառուկյանը՝ պատասխանելով Բաքվում պահվող հայ գերիների վերաբերյալ հարցին։

Նա հայտարարեց, որ ցանկացած հարց լուծելի է, աշխարհում չլուծվող խնդիր չկա։

«Հարկավոր է զբաղվել, դիմել... Այո. պետք է Ալեքսանդր Լուկաշենկոյին էլ դիմե, Վլադիմիր Վլադիմիրին էլ, Թրամփին էլ, Մակրոնին էլ։ Հարկավոր է  հարցա կարգավորել՝ լինի նաև միջնորդի օգնությամբ»,-նշեց Ծառուկյանը։

Նրա խոսքով, եթե գնում ենք խաղաղության, զիջումներ ենք անում, անկլավների հարց կա, ապա ինչու գերիների հարցը չի լուծվում։

«Եթե մենք ճանապարհ ենք բացել, ցորեն ենք բերում, բենզին ենք բերում, եղբայրություն է, ուրեմն այդ հարցերը պետք է փակված լինեին։ Եթե այսօր Իրանն ու Ամերիկան կարողանում են բանակցել, անկյուններ գտնել հարցեր կարգավորել ինչպես մենք չենք կարող մեր գերիների հարցը լուծել...Եթե հնարավորությունն իմ ձեռքում լինի, ապա մի ամիս չի կարող տևել, որ նրանք այնտեղ մնան»,-ասաց Գագիկ Ծառուկյանը։

Մանրամասները՝ տեսանյութում։