Ադրբեջանում հաստատում են. 300 հազարի վերաբնակեցման ստվերային համաձայնություն կա Փաշինյանի հետ

Այս նախընտրական օրերին օրակարգային թիվ 1 վեճի թեմա է դարձել «300 հազարադրբեջանցիների վերադարձը»Հայաստան: Գրեթե բոլոր քաղաքական ուժերն արձագանքել են, որ Նիկոլ Փաշինյանը ոչ հրապարակային համաձայնության է եկել Ալիևի հետ այս հարցում:

Հիշեցնենք, որ Ալիևի կողմից ներկայացված բոլոր նախապայմանները այս վերջին 2 տարիների ընթացքում Փաշինյանն ընդունել էր:

Մնացել են վերջին 2 հրապարակային ու ոչ հրապարակային նախապայմանները (առայժմ՝ 2, քանզի պարզ է, որ դրանց հաջորդելու են նորեր):

Հրապարակայինը՝ ՀՀ Սահմանադրության փոփոխությունն է, որն Ալիևը որպես նախապայման ներկայացնում է միջազգային հանրությանը: Իսկ ոչ հրապարակայինը՝ Հայաստանից անկլավների հանձնումն է և 300 հազ ադրբեջանցիների բնակեցումը Հայաստանում, թեպետ դրանք էլ արդեն կարելի է համարել հրապարակայնացված: Որպես հրապարակային նախապայման՝ Ալիևը դրա մասին հայտարարեց անցյալ տարվա մայիսին Անկարայում անցկացված «Արևմտյան ադրբեջանցիների առաջին կոնֆերանսի» ժամանակ: Երկրորդ անգամ վերահաստատեց անցյալ տարվա դեկտեմբերին, վերջապես երրորդ կոնֆերանսն անցկացվում է արդեն Նախիջևանում, Հայաստանի սահմանի մոտ, Ադրբեջանի ղեկավարության հովանու ներքո, պետական ամենաբարձր մակարդակով:

Երրորդ կոնֆերանսի անցկացման օրերը, պետք է նկատել, որ պատահական չեն ընտրվել հունիսի 18-19-ը

Մեծ հավանականություն կա, որ դա եղել է ադրբեջանական կողմը դա արել է Նիկոլ Փաշինյանի խնդրանքով: Այսինքն, ըստ երևույթին, խնդրանք է եղել, որ «արևմտյան Ադրբեջանի» կոնֆերանսն անցկացվի Հայաստանում ԱԺ ընտրություններից հետո,  որպեսզի դրա նցկացման փաստը չխոչընդոտի նախընտրական ընթացքին ու հունիսի 7-ի ընտրություններին:

Հիշեցնենք, որ 2023թ. արցախցի հայերի զանգվածային տեղահանությունն Արցախից կատավեց սեպտեմբերի 19-ին: Եվ այն, որ Ադրբեջանը հարձակումն սկսեց այդ օրը, ակնհայտորեն պայմանավորված էր Երևանի ավագանու ընտրություններով: Հիշեցնենք.  2023-ի սեպտեմբերի 17-ին տեղի ունեցան Երևանի ավագանու ընտրությունները, որից երկու օր անց սկսվեց Ադրբեջանի վերջին հարձակումն Արցախի վրա:

Այսինքն ստացվում է, որ ադրբեջանցիները համաձայնեցին երկու օր հետաձգել արցախցիների բռնի տեղահանությունը, որպեսզի չխոչընդոտն ՔՊ-ի վերարտադրությանը Երևանում:

Ուշագրավ է, որ Հայաստանում ադրբեջանցիների բնակեցման թեմայի առկայությունը անուղղակիորեն հաստատել է նաև Ալեն Սիմոնյանը՝ անցյալ տարի տված իր հարցազրույցներից մեկում: Որտեղ նա նշել էր, որ ադրբեջանցիները կարող են վերադառնալ Հայաստանում գտնվող այն գյուղերը, որտեղ ապրել են խորհրդային տարիներին:

Ինչ վերաբերում է ընթացիկ ընտրարշավի ժամանակ այս թեմային Փաշինյանի արձագանքին, ապա շատերը նկատել էին, որ ՔՊ ղեկավարը երկար ժամանակ ձեռնպահ էր մնում այդ հարցի դիսկուրսի մեջ մտնելուց: Սակայն վերջին օրերին, երբ պարզ դարձավ, որ ՔՊ վարկանիշը գահավիժում է, նա ստիպված սկսեց հերքել, թե նման հարցադրում կա իր ու Ալիևի գործընկերության օրակարգում:

Հետաքրքիր է, որ Փաշշինյանի այդ հայտարարությունը լայն արագանք ստացավ ադրբեջանական քաղաքական տիրույթում: Շատերն այնտեղ սկսեցին մտահոգվել, որ Փաշինյանը հետ է կանգնում իր խոստումներից: Սակայն ամենատպրավորիչը քաղաքագետ և պատգամավոր Ռեսիմ Մուսաբեկովի արձականգն էր, որը նշեց, որ Փաշինյանի այդ հայտարարությունը Հայաստանի ներքին ընտրական պրոցեսների տրամաբնությամբ են պայմանավորված, և իմաստ չունի նրան քննադատել այդ հարցի հետ կապված: Քաղաքագետը բառացի նշեց, որ ընտրություններից հետո ամեն ինչ իր բնական հունի մեջ կընկնի:

Դե ևս վկայում է այն բանի մասին, որ Նիկոլ Փաշինյանը արդեն ստվերային համաձայնության է եկել Ալիևի հետ այս հարցում:

Սա է իրականությունը: 

Դավիթ Մկրտչյան
Zham.am