Մոսկվայի կենտրոնում հարձակվել են Քսենիա Սոբչակի վրա (Տեսանյութ)

ՌԴ նախագահի թեկնածու Քսենիա Սոբչակի վրա  հարձակում է իրականացվել Մոսկվայի կենտրոնում: Այս մասին նա տեղեկացրել է թվիթերյան իր էջում՝ նշելով. «Ինձ վրա հարձակվել են, հրեցին, ես ընկա, ինչ-որ բան լցրեցին ինձ վրա՝ ասելով Ժիրինովսկու  համար են անում: Ոստիկանություն ենք կանչել»:

Նշվում է, որ օրինախախտին բռնել են։

«Ոստիկանությունը եկել է, արձանագրությունն է ձևակերպվում։ Փաստաբանները ժամանել են դեպքի վայր»,– ասել են շտաբում։

Հիշեցնենք, որ ռուսական Россия1 հեռուստաալիքի եթերում նախագահական ընտրությունների նախընտրական բանավեճը թեժ էր ընթացել: Լիբերալ-դեմոկրատական կուսակցության ղեկավար Վլադիմիր Ժիրինովսկին ուղիղ  եթերում վիրավորել, հայհոյել էր նախագահի թեկնածու Քսենյա Սոբչակին, ի  պատասխան՝ Սոբչակը ջուր էր լցրել վերջինիս վրա ու հորդորել հանգստանալ:

Zham.am