ԲՀԿ առաջնորդ Գագիկ Ծառուկյանի քարոզարշավը Եղեգնաձորում

ԲՀԿ առաջնորդ Գագիկ Ծառուկյանի  նախընտրական հանդիպման կանգառն այսօր Վայոց ձորի մարզի Եղեգնաձոր քաղաքում է։
«Ասօր ժողովուրդը հոգնել է լսել հայհոյանք, վիրավորանք, ցեղ շպրտել, դատարկ-դատարկ խոսք։ Մարդիկ ուզում են իրենց խնդիրների լուծումն ունենալ»,- իր ելույթում ասաց «Բարգավաճ Հայաստան» կուսակցության նախագահ Գագիկ Ծառուկյանը։

 Նա համոզմունք հայտնեց, որ անհնարին ոչինչ չկա և  չլուծվող խնդիր չկա։

«Այսօր անհրաժեշտությունը խաղաղությունն է։ Մեր ժողովուրդը խետք է իմանա՝ էլ պատերազմ չկա, խաղաղություն է , պատերազմի դուռը փակի, զբաղվի իր անելիքով, իր գործով։ Դա երաշխավորված խաղաղությունն է , որ մենք  կազմել ենք և պատրաստ ենք այդ հարցը կարգավորելու։ Էսօր ասում է՝ խաղաղություն, ժողովուրդ ջան, խաղաղություն չկա,դա պայմանավորվածություն է։ Խաղաղության դեպքում պետք է լինի ստորագրած թուղթ, փաստաթուղթ, ոչ թե ամեն օր կանգնել  առաջարկ ներկայացնել»։

Գագիկ Ծառուկյանն անդրադարձավ նաև առողջապահության և սոցիալակն  այլ խնդիրներին՝ ասելով․

«Այսօր պետք է առողջապահությունը լինի անվճար, կրթությունը պետք է լինի անվճար, թոշակները պետք է լինեն ամենացածրը 78000 դրամ ՝ իրենց տված 49, 59  հազարի փոխարեն։

։Մյուսը՝ վարկերի խնդիրն է։ Այսօր ամբողջ ազգը վարկի տակ է, եղել է տնտեսական ճգնաժամ, եղել է կառոնավիրուս, համաճարակ, որը, ասենք, էդ մարդիկ չեն աշխատել 2-3 տարի, եղել է պատերազմ, մարդիկ էսօր ապրելու գոյատևելու համար, բուժվելու համար պարտքեր են գոյացել, պետությունը անմիջապես պետք է մինչև 3 միլիոն դրամ, 3 միլիոն մարդկանց ներում շնորհի։ Այսօր պետական պարտքը 8 միլիարդից դարձել է15 միլիարդ, 8 տարում տարի մեկ միլիարդ ավելացել է, բայց ոչ աշխատատեղ է ավելացել, ոչ էլ ժողովուրդն իր առօրյայի վրա զգացել է դա։ Հակառակը՝  թանկացումներ, գույքահարկ, չգիտեմ ինչ, արմեն բան թանկացել է, մարդկանց վիճակն ավելի ծանրացել է»։  

Անդրադառնալով գյուղացիական տնտեսություններին, Ծառուկյանը նշեց, որ գյուղնախարարության փակումից հետո այսօր գյուղացիները տեղ չունեն դիմելու․

«Էս մարդիկ մշակում են, արարում են, բարիք են ստեղծում, ո՞ւմ դիմենլ։ Ոչ մեկ էլ չեն դիմում, պատերի տակ նստած խեղճացած։  Տեր չկա, տիրեղեն չկա, դիմել չկա։ Ո՛չ դեղորայք, ո՛չ պարարտանյութ, ո՛չ էլ սիլիտրատ կա, ո՛չ մի բան չկա։ Դրա համար այսօր գյուղերից պակասում են։ Ասում են՝ մենք դպրոցներ ենք կառուցել, դղյակներ են կառուցել։8 տարում 259 դպրոց են կառուցել, 259 դպրոցից 50 են կառուցել, 50-ից 26-ն է պատրաստած եղել։ Բայց այս տարի 230 դպրոց փակվում է, որ մարդիկ տարածքներից գնում են Երևան, գալիս են Երևան։  Հակառակը պետք է լիներ, հնարավորություն տրվեր, որ կարողանան ճիշտ կազմակերպել աշխատանքը»։

Ծառուկյանը հայտարարեց ՝ չլուծվող խնդիր չկա, ունեն ծրագիր և  լավ թիմ։

«Այսօր առողջապահության համար բյուջեից տրամադրվել է 700 միլիոն դոլար, էսօր ժողովուրդը առողջապահությունից գո՞հ է, դուք կարողանո՞ւմ եք գնաք բուժվեք։ 700 միլիոն տված ա, բայց մարդիկ չեն կարողանում բուժում ստանալ։ Այսինքն՝ սխալ է ձևակերպումը, պետք է դրվի անվճար համակարգ»,- ասաց քաղաքական գործիչը։

Աղբյուրը` Panorama.am

Տեսանյութը՝ News.am