Ըստ էության. Հայաստանում կա մեկ պետական դավաճան․ դա Նիկոլ Վովայի Փաշինյանն է․ Սոնա Աղեկյան

Oragir.News-ի «Ըստ էության» հաղորդաշարի տաղավարում հյուրընկալվել է ԲՀԿ ցուցակով պատգամավորության թեկնածու, «Մայր Հայաստանի» ներկայացուցիչ Սոնա Աղեկյանին։

Նա անդրադարձել է «Մայր Հայաստան» կուսակցության ղեկավար Անդրանիկ Թևանյանին պետական դավաճանության մեջ մեղադրելու Նիկոլ Փաշինյանի հայտարարությանը, քրեական վարույթ նախաձեռնելուն, «Մայր Հայաստան» կուսակցության գրասենյակի, Անդրանիկ Թևանյանի բնակարանի խուզարկությանը, ընտրությունններին, ԲՀԿ-ի և «Մայր Հայաստան» կուսակցության համագործակցությանը, ընտրություններից ակնկալիքներին, նախընտրական ծրագրերին, իշխանափոոխւթյան հնարավորությանը և մի շարք այլ հարցերի։

«Պետական դավաճանը ինքն է առաջին հերթին մարդկանց ուզում արատավորել, որպեսզի իրեն չասեն պետական դավաճան: Թաքուն չէ, գաղտնի չէ, բոլորս ականատեսն ենք եղել, թե ինչպես պետական դավաճան Նիկոլ Փաշինյանը Պրահայում հոկտեմբերի 6-ին 2021 թվականի Արցախը ճանաչել է Ադրբեջանի կազմում և դրանից հետո ինքն այլևս չպիտի խոսի որևէ բանի մասին, չնայած մինչ այդ էլ, երբ որ ինքը ստորագրել էր կապիտուլյացիոն համաձայնագիրը նոյեմբերի 9-ին 2020 թվականի և ըստ էության մեր հերոսների արյամբ սրբացած մեր հայրենի հողակտորը, մեր Հայաստանի Հանրապետության փոքրիկ պետությունը` Արցախի Հանրապետությունը, մեր հայրենիքի մի փոքրիկ գողտրիկ մասը հանձնել էր թուրքին, այդ պահից սկսած նա պետք է հեռացվեր և ինքն էլ հեռանար»,- ասաց նա։

Աղեկյանի խոսքով` Հայաստանի Հանրապետությունում կա մեկ պետական դավաճան. «Դա Նիկոլ Վովայի Փաշինյանն է, Հայաստանի Հանրապետությունում կա մեկ մարդ, որը Հայաստանի Հանրապետությունը դարձրել է ծախու առարկա, աշխարհի առաջ ծաղրուծանակի առարկա և դա Նիկոլ Փաշինյանն է և Հայաստանի Հանրապետությունում կա մեկ մարդ, ում, որ Ալիևը անվանում է հարբեցող ծաղրածու, դա ևս Նիկոլ Վովայի Փաշինյանն է»։

Մանրամասները` տեսանյութում.