Գագիկ Սուրենյան. «Տաք և խոնավ օդային հոսանքներն իրենց հետ կբերեն նաև անձրևներ».

Տաք և խոնավ օդային հոսանքներն իրենց հետ կբերեն նաև անձրևներ: Այս մասին ֆեյսբուքյան իր էջում գրել է ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը։

«Եղանակի տաքացմանը զուգընթաց, Միջերկրական ծովից մեր երկիր եկող տաք և  խոնավ օդային հոսանքները առաջիկա 5 օրերին ժամանակ առ ժամանակ իրենց հետ  կբերեն նաև անձրևներ, առանձին հատվածներում հնարավոր է նաև ամպրոպ և քամու  ուժգնացում՝ 15-20մ/վրկ արագությամբ,-տեղեկացնում  է Սուրենյանը:

***

Հանրապետության տարածքում`

Մարտի 2-ի ցերեկը Վայոց ձորում, Սյունիքում և Արցախում սպասվում են  տեղումներ: 3-ին, 7-ի ցերեկը սպասվում է առանց տեղումների եղանակ: 4-5-ն  արևմտյան և հյուսիսային շրջաններում, 6-ին, 7-ի գիշերը շրջանների զգալի  մասում ժամանակ առ ժամանակ սպասվում են տեղումներ:

Քամին՝ հարավ-արևմտյան՝ 3-8 մ/վ արագությամբ, մարտի 4-6-ն առանձին վայրերում սպասվում է քամու ուժգնացում՝ 15-20 մ/վ արագությամբ:

Օդի ջերմաստիճանը մարտի 3-ի գիշերը կնվազի 3-4 աստիճանով, 4-ի գիշերը  նույնքան կբարձրանա, մարտի 5-6-ի ցերեկը Լոռիում, Տավուշում, Սյունիքում և  Արցախում կնվազի 6-8 աստիճանով, 7-ի ցերեկը նույնքան կբարձրանա:

Երևան քաղաքում՝

Մարտի 2-ի ցերեկը, 3-ին, 7-ի ցերեկը սպասվում է առանց տեղումների  եղանակ: Մարտի 4-6-ը, 7-ի գիշերը ժամանակ առ ժամանակ սպասվում է անձրև: 

Մարտի 4-6-ը սպասվում է քամու ուժգնացում՝ 12-17 մ/վ արագությամբ: