Աբսուրդի ժանրից է. Բագրատ Սրբազանը՝ ՔԿ ղեկավարի հայտարարության մասին

«Այս գործի հիմնական իմաստը՝ ահաբեկչության ծրագիրն է, քննչական կոմիտեի նախագահի ասած պլանը։ Հիմա թող բերի ու փաստի, որ գրված է խմբից մեկի ձեռքով։ Դա էլ չի կարող անել»,- 18 արդարների գործով դատական նիստին ասաց Բագրատ արքեպիսկոպոս Գալստանյանը՝ անդրադառնալով քննչական կոմիտեի նախագահ Արթուր Պողոսյանին այն հայտարարությանը, որ «ես ասել եմ՝ իր ձեռքով գրված,  նկատի չեմ ունեցել իր ձեռքով գրված, իրենք խումբ են»։

Բագրատ Սրբազանը շարունակեց. «Ինչ վերաբերում է  նրան, որ ինձ չի վերաբերվում իր ասածը, դա արդեն աբսուրդի ժանրից է, դարակազմիկ հայտարարություն է։

Պատվարժան դատարան, մեղադրողներ, եթե հասկանում եք այս աշխարհացունց, դարակազմից հայարարությունը, մեզ էլ բացարեք հասկանանք։

Թե քննչական կոմիտեի ղեկավարը, թե գլխավոր դատախազը, հույս ունեմ, կգան դատարան որպես վկայի կարգավիճակով ներգրավված, այլապես մոտ ապագայում կգան որպես մեղադրյալներ»։ 

Հիշեցնենք՝ մայիսի 7-ին ԱԺ-ում «Հայաստան» խմբակցության պատգամավոր Գեղամ Մանուկյանը հարց էր ուղղել  քննչական կոմիտեի նախագահ Արթուր Պողոսյանին. «Բագրատ Սրբազանի ձեռքով գրված փորձագիտական եզրակացությամբ փաստված հեղաշրջման պլան, թուղթ կա՞, թե՞ ոչ քրեական գործում։

Բագրատ Սրբազանը ձեզ հարցնում է՝ 2025 թվականի նոյեմբերի 5-ին հայտարարել եք, որ առկա է իմ ձեռքով գրված ահաբեկչության պլան անունով ինչ-որ փաստաթուղթ՝ ի՞նչ լեզվով է այն գրված, ի՞նչ բովանդակություն ունի, արդյո՞ք  այն ենթարկվել է դատաձեռագրաբանական փորձաքննության, արդյո՞ք Բագրատ Սրբազանի ձեռագիրն է»։

Ա. Պողոսյանն ասաց, որ քրեական վարույթը և արարքի իրավական գնահատականը իշխանությունը յուրացնելն և ահաբեկչության նախապատրաստությունն է, այսինքն հանցանքը դեռևս կատարման փուլ չի անցել, խոսքը գնում է հանցագործության նախապատրաստության ավելի վաղ փուլի մասին․  «Բագրատ Գալստանյանը երբ նշում է, որ ես իր անունն եմ տվել, ես ասել եմ իր ձեռքով գրված ահաբեկչության պլան։ Մենք մեղսագրել ենք արարքը խմբի կողմից կատարված»։
Աղբյուրը` Panorama.am