Փաշինյանի պարագայում չկա որևէ բովանդակային խոսք, զրոյական են ծրագրային կետերի վերաբերյալ շեշտադրումները

Քաղաքագետ Արմեն Հովասափյանը նկատում է. «Շատ ուշադիր հետևում եմ արդեն հինգերորդ օրն ընթացող նախընտրական քարոզարշավին։
Չնայած այն փաստին, որ Փաշինյանը վերջին մեկուկես ամիսը իր «ուրախ ավտոբուսով» վոյաժներ էր անում, քարոզարշավ իրականացնում, հերթական ասֆալտով հիանում, քեֆ անում ու մարդկանց մատակարարում մանիպուլյացիոն հերթական դոզաները, պետք է փաստեմ, որ քարոզարշավի ընթացքում նույն Փաշինյանը ոչ մի ծրագրային ելույթ չի ունեցել։ Նա չի խոսում այն մասին, թե վերընտրվելու դեպքում ինչ նոր անելիքներ ունի, չկա որևէ բովանդակային խոսք, զրոյական են ծրագրային կետերի վերաբերյալ շեշտադրումները։ Փոխարենը՝ առկա է պոպուլիզմի ու դեմագոգիայի հերթական չափաբաժինը, անիմաստ գոռգոռոցը՝ ճղճղոցով համեմված։