Մշակույթը մեր ազգային ինքնության, պատմական հիշողության և արժեքային համակարգի կարևորագույն հենասյուներից է
Այսօր հրապարակվել է «Առաջարկ Հայաստանին» ծրագրի շրջանակում մշակութային ոլորտի հիմնական դրույթները, որոնք միտված են մշակութային կյանքի ակտիվացմանը, ազգային ժառանգության պահպանմանը և ստեղծագործական ազատ միջավայրի ձևավորմանը։
Մշակույթը մեր ազգային ինքնության, պատմական հիշողության և արժեքային համակարգի կարևորագույն հենասյուներից է։ Բարգավաճ և զարգացած պետություն հնարավոր չէ կառուցել առանց մշակույթի պահպանման, զարգացման և սերունդներին փոխանցելու հստակ քաղաքականության։
Ստորև առանձնացրել եմ մի քանի հիմնական դրույթներ՝
1. Պետությունը պետք է առատորեն ֆինանսավորի և տեխնիկապես աջակցի մշակույթի ոլորտին՝ խթանելով արվեստը, անհատի ստեղծականությունը, բայց հանդես գա ոչ թե որպես «ֆեոդալ», որին այդ «դաշտը պատկանում է», կամ էլ որպես չոր վերահսկող, այլ՝ որպես հոգատար գործընկեր, որի համար կարևոր է արդյունքը (այդ թվում՝ հեռահար), և արվեստի ու ստեղծականության դաշտը պիտի ազատ պահի թե´ ուղիղ ոտնձգություններից, և թե´ բյուրոկրատացման, լճացման վտանգից։
2. Միավորել բոլոր ոլորտների լավագույն մասնագետների ուժերը՝ Հայաստանում և սփյուռքում, անկախ՝ քաղաքական և անձնական համակրանքներից: Ստեղծել մշակութային ժառանգության պահպանման արդյունավետ, կենսունակ համակարգ։ Մենք բոլորս մեր մշակութային ժառանգության պահապաններն ենք.
3. Հնագույն հարստությունների պահպանման գործում պետության ամենամեծ գործընկերը Հայ Առաքելական Սուրբ Եկեղեցին է՝ իր աշխարհասփյուռ բոլոր կառույցներով, իր փորձով, իր հեղինակությամբ։
ԲՀԿ նախագահ Գագիկ Ծառուկյանի ֆեյսբուքյան էջից
Հետևեք մեզ Facebook-ում