Չկա‘ առանձին Հայաստան և առանձին Սյունիք (սա թշնամական ագիտացիա է), կա Հայաստան. քաղաքագետ
Նախընտրական քարոզարշավն սկսվել է ու հաճախ այնպիսի սխալներ են արվում, որոնք աններելի են հավաքական բանականության վրա թողնելիք ենթագիտակցական ազդեցության իմաստով։
Քաղաքագետ Արա Պողոսյանի ֆեյսբուքյան գրառումը․ «Թե′ իշխանությունները (որոնց պարագայում արվածը հանցագործություն է), թե′ ընդդիմության շարքերում ոմանք սկսել են վերբալ մակարդակում կատարել շեշտադրում, որը ինքնին վտանգավոր է` Հայաստանի կողքին առանձնացնելով Սյունիքը։
Չկա′ Հայաստան և Սյունիք (սա թշնամական ագիտացիա է), կա Հայաստան։
Մի′ արեք, մի′ առանձնացրեք, մի′ դարձեք հավաքական բանականության դեմ դիվերսիոն գործողությունների մաս։ Մի′ արեք, ինչքան էլ քաղաքական դիվիդենտներ բերելու իմաստով գայթակղիչ լինի։
Իշխանությունները իրենց ընտրությունը կատարել են, նրանք անմնացորդ դարձել են ալիևյան թեզերի քարոզիչները, դուք մի′ արեք»:
Հետևեք մեզ Facebook-ում