Ռուսաստանը կթույլատրի Թուրքիայից ներմուծել գյուղմթերքի որոշ տեսակներ

Ռուսաստանի Անասնաբուժական ու բուսասանիտարական դաշնային ծառայության (Россельхознадзор) մամուլի խոսնակ Յուլիյա Մալենոն հայտարարել է, որ մարտի 5-ից թույլատրվելու է Թուրքիայից Ռուսաստան ներմուծել գյուղմթերքի մի շարք տեսակներ։

Դրանցից են՝ պղպեղը, լոլիկը, սմբուկը, հազար, նուռը, դդմիկը։ 2016թ., վերջիններիս ներմուծումը Ռուսաստան արգելված էր։

Հիշեցնենք, որ այն բանից հետո, երբ Թուրքիայի օդուժը Սիրիայի տարածքում խոցեց ռուսական «Su-24» ռազմական ինքնաթիռը, պաշտոնական Մոսկվան Թուրքիայի նկատմամբ սկսեց տնտեսական պատժամիջոցներ կիրառել։ Արգելվեցին մի շարք թուրքական ապրանքատեսակների ներմուծումը Թուրքիայից։
Արգելքները աստիճանաբար վերացվեցին այն բանից հետո, երբ Թուրքիայի նախագահ Ռեջեփ Թայիփ Էրդողանը պաշտոնապես ներողություն խնդրեց տեղի ունեցածի առնչությամբ։

Աղբյուր` Ermenihaber.am