ՔՊ-ի Փաշինյանը շատ է ուզում 28 թվականին Ադրբեջան գնալ. բայց եթե նա մնա վարչապետ, Ադրբեջանն ավելի արագ «կգա» Հայաստան

Հույս ունեմ, որ 2028 թվականին հնարավորություն կունենամ այցելել Ադրբեջան, երբ Եվրոպական քաղաքական համայնքի գագաթնաժողովը կանցկացվի այդ երկրում։ Այս մասին մայիսի 4-ին Եվրոպական քաղաքական համայնքի 8-րդ գագաթնաժողովի լիագումար նիստում, ըստ News.am-ի հայտարարել է ՔՊ ղեկավար Նիկոլ Փաշինյանը։

Նա հիշեցրել է, որ Ադրբեջանի նախագահը առաջին անգամ մասնակցում է Հայաստանում անցկացվող միջոցառման, թեկուզ և հեռավար ձևաչափով։

Փաշինյանը հավելել է, որ Հայաստանը և Ադրբեջանը փոխադարձաբար աջակցել են միմյանց թեկնածությունները՝ Եվրոպական քաղաքական համայնքի գագաթնաժողովները հյուրընկալելու համար։

Նա նաև նշել է, որ իր առաջին հանդիպումը Թուրքիայի նախագահի հետ տեղի է ունեցել Պրահայում՝ Եվրոպական քաղաքական համայնքի առաջին գագաթնաժողովի շրջանակում։

Նրա խոսքով՝ այսօր Թուրքիայի փոխնախագահը մասնակցում է Երևանում անցկացվող գագաթնաժողովին։ Փաշինյանը հավելել է, որ սա Թուրքիայից առաջին փոխնախագահն է, ով այցելել է Հայաստան։
--
Նկատենք, որ եթե Փաշինյանը մնա Հայաստանի վարչապետի պաշտոնում, ապա կարող է ստացվել այնպես, որ Ադրբեջանն ավելի արագ «կգա» Հայաստան, քան՝ ՔՊ ղեկավարն նա ուզում է մեկնել Բաքու: Իսկ թե Հայաստանի հայերն այսօր Երևան այցելած ո՞ր եվրոպական երկրի դռներին չոքած ապաստան աղերսելիս կլինեն, դա արդեն ոչ մի մակրոնի կամ դեր լայենի հետաք«քիր չի լինի: