Ալիևը բացահայտ ծաղրել է Հայաստանում հավաքված «եվրոյոնջաներին»

Եվրոպական խորհրդարանը թիրախավորում է Ադրբեջանը՝ տարածելով զրպարտանք և սուտ, պատճառն այն է, որ Ադրբեջանը պաշտպանել է իր տարածքային ամբողջականությունը: Այս մասին ԵՔՀ լիագումար նիստի ժամանակ ասել է Ադրբեջանի նախագահ Իլհամ Ալիևը, ինչի մասին հաղորդում է tert.am-ը:

Մայիսի 1-ին Ադրբեջանի խորհրդարանը պաշտոնապես որոշել է կասեցնել գործակցությունը Եվրոպական խորհրդարանի հետ բոլոր ոլորտներում, կասեցնել մասնակցությունը ԵՄ-Ադրբեջան խորհրդարանական փոխգործակցության կոմիտեի գործունեությունում: Ղարաբաղյան երկրորդ պատերազմից՝ 2021-ից մինչև 2026-ը, Եվրոպական խորհրդարանն ընդունել է 14 բանաձև, որոնք շատ վիրավորական կերպով ստում են Ադրբեջանի մասին։ Վերջինը՝ այս գագաթնաժողովից ընդամենը 4 օր առաջ էր: Չնայած բոլոր այն մարդկանց ջանքերի, որոնք փորձում են խաթարել այս գործընթացը, Ադրբեջանը միտված է խաղաղության օրակարգին և իմ հայ գործընկերոջ ելույթը դա շատ հստակ ընդգծեց»,- նշել է նա:

Ալիևն իր ելույթում պնդել է, որ եվրոպացի պատգամավորները պետք է անդրադառնան եվրոպական ընտանիքի հիմնարար խնդիրներին՝ միգրացիային, իսլամաֆոբիային, մրցունակության բացակայությանը: