Մենք գնում ենք Եվրոպա, բայց Փաշինյանն առաջին սերնդի բոլշևիկների կողմից ՔՕ մտցրած հանցակազմ է օգտագործում. Մելիքյանը՝ Իմնեմնիմիի գործով

«Սկսած 2019 թ-ից Հայաստանում քայլ առ քայլ սկսեցին խոսքի ազատության սահմանափակմանն ուղղված, իմ կարծիքով լավ կազմակերպաց և համակարգված  մի ամբողջ միջոցառումների շարք»,- Մամուլի ազատության համաշխահրային օրվան նվիրված միջոցառման ժամանակ ասաց փաստաբան Ռուբեն Մելիքյանը։

Նա նկատեց, որ ՔՊ-ն ԱԺ-ում «միահեծան» օրենքներ էր ընդունվում, առանց քննարկելու ընդդիմության առաջարկները և  հիշեցրեց Քրեկան օրենսգրում բռնության արդարացման վերաբերյալ  հոդվածի ծավալուն և հետաքրքիր քննարկմանը, որից հետո քրեական և քաղաքացիական օրենսգրքերում տեղի ունեցան բազմաթիվ փոփոխություններ, որոնք քայլ առ քայլ սահմանափակում էին խոսքի ազատությունը;

 Նա նշեց, որ երկրորդ ուղղությամբ՝ իրավակիրառ ոլորտում ավելի մեծ խնդիրներ կային։

Փաստաբանը հիշեց, որ 10 ամիս գործած ծանր վիրավորանքի քրեականացման դրույթի կիրառումն այն աստիճան ակնհյատ էր պրակիտակայում այդ դրույթի խտրական կիրառման բնույթը, որ նույնիսկ եվրոպական գործընկերները բացահայտ և ոչ բացահայտ բացասական վերաբերմունքով նպաստեցին, որ այդ կարգավորումը հանվի մեր քրեական օրենսգրքից։

Ծանր վիրավորնաքի գործերով հարյուրավոր քրեական գործերից 90 % ից ավելին վերաբերում էին Նիկոլ Փաշինյանին, 5%-ն էլ՝ այլ ՔՊ-ականներին։

 Հիշեցնելով, որ 2022 թվականի հուլիս 1-ից այդ դրույթը հանվեց օրենսգրից՝ Մելիքյանը հավելեց. «Առաջին հայացքից այդ դրական փոփոխությունը ունեցավ բացասական հետևանքներ, որովհետև իշխանությունները չդադարեցին ազատ խոսքի, կոշտ քննադատության համար քաղաքական ընդդիմախոսներին ՔՕ-ով պատժելու պրակտիկան և այդ նպատակով սկսեցին օգտագործել այլ հոդվածներ»։

Նա նշեց, որ իշխանությունները սկսեցին օգտագործել խուլիգանության հանցակազմով հոդվածը, որը ներդրվել է Խորհրդային միության կողմից։

Փաստաբանը բերեց 2024 թվականին և 2025 թվականին այդ հոդվածի կիրառման օրինակը քաղաքական խոսք ասող մարդկանց նկատմամբ։

Ներկայացնելով «Իմնեմնիմի» փոդքասթի համահեղինակներ Վազգեն Սաղաթելյանի և Նարեկ Սամսոնյանի դեմ հարուցված երկու քրեական գործերը, Մելիքյանը հիշեց, որ համահեղինակներին 2 ամսով ձերբակալում են խուլիգանության մեղադրանքով, թե նրանք կոշտ բառապաշար են գործածել իրենց հաղորդումների ընթացքում։ Դրա համար կալանք է սահմանվում, վարչական վերահսկողություն իսկ դրանից հետո դատարանները կայացնում են արդարացման դատական ակտ։

Փաստաբանը հիշեցրեց, որ արդարացման դատավճիռից կարճ ժամանակ անց, շատ ավելի մեղմ բառապաշարով ԱԺ նախագահի անթուլատրելի արտահայտությանը պատասխանելու համար, կրկին նույն հոդվածով 2025 թվականի նոյեմբերի 1-ին տեղի ունեցավ ձերբակալում;

«Բայց այս անգամ արդեն դիմակավորված ԱԱԾ-ականների կողմից, երկրորդ՝ մտան Սաղաթելյանի և Սամսոնյանի տները, խուզարկություններ իրականացրեցին, «Անտիֆեյք» -ի ամբողջ գույքը տարան՝ այդ թվում նաև բարձրախոսերը և կրկին տղաները հայտնվեցին ճաղերի հետևում»,-ասաց փաստաբանը և նշեց, որ երկար օրերից հետո միայն նրանք ազատ արձակվեցին և հիմա էլ արգելված է որևէ հրապարակային խոսք ասել։

 Մելիքյանը նշեց, որ խուլիգանության հանցակազմն այսօր լայն սպեկտրով է կիրառվում՝ սկսված ավտոբուսում ՔՊ-ական պատգամավորի հետ վիճանբանությունից, վերջացրած եկեղեցում աղոթող 18-ամյա դպրոցականի դեպքը։

«Մեր երկում իրականացվում է կարևոր եվրոպական միջոցառում, մենք  դեպի Եվրոպա ենք փորձում գնալ, բայց մեր երկրի ղեկավարն իր կրծքին կրում է մի քարտեզի ուրվագիծ, որը Ստալինի կողմից է գծված եղել, և օգտագործում է մի հանցակազմ, որը առաջին սերնդի բոլշևիկների կողմից է մտել քրեկան օրենսդրություն»,-խոսքն ավարտեց Մելիքյանը: