Գյուղատնտեսության համախառն արտադրանքի ծավալը Հայաստանում նվազել է 5.2 %-ով, իսկ արդյունաբերական ապրանքների գները աճել են 9.2 %-ով. ՎԿ

Վիճակագրական պետական կոմիտեն հրապարակել է ՀՀ տնտեսական ակտիվության 2026 թվականի հունվար-մարտ ամիսների ցուցանիշները։

 Ըստ այդմ՝ 2026 թվականի հունվար-մարտ ամիսներին նախորդ տարվա նույն ժամանակահատվածի համեմատ տնտեսական ակտիվության ցուցանիշի աճը կազմիել է 7.1%։ Արդյունաբերական արտադրանքի ծավալն աճել է 13.4%-ով։ Հատկանշական է, որ գյուղատնտեսության համախառն արտադրանքի ծավալը նվազել է 5.2 %-ով։ դրա փոխարեն 22 %-ով ավելացել է շինարարության ծավալալները, 2.1 %-ով առևտրի ծավալները, ծառայություններինը՝ 7.4%-ով։ Այս ամենի համատեքստում արդյունաբերական ապրանքների գների ինդեքսը աճել է 9.2 %-ով։

 Ըստ Վիճակագրական կոմիտեի՝ միջին ամսական անվանական աշխատավարձը բարձրացել է 2.9%-ով, այն դեպքում, երբ  պետական համակարգում աշխատավարձը բարձրացել է գրեթե 7 %-ով, իսկ մասնավորում՝ ընդամենը 1.7%-ով։

Արտաքին առևտրաշրջանառության 4.6% աճ է ներկայացված, որից՝ արտահանման՝ 4.5% աճ, ներմուծման՝ 4.6%։

Հատկանշական է, որ վիճակագրության մեջ դրական դինամիկա է արձանագրվել էլեկտրաէներգիայի արտադրության առումով, այն կազմել է 7.7%։ Այս ցուցանիշում ներառված չէ էլեկտրաէներգիայի փոխհոսքերի մասով ինքնավար արտադրողների կողմից արտադրված էլեկտրաէներգիան: Համադրելիության ապահովման նպատակով աճի տեմպերը հաշվարկելիս նախորդ ժամանակաշրջանների համանուն ցուցանիշներում (դեկտեմբեր՝ 970.0, հունվար՝ 879.5, փետրվար՝ 824.1, մարտ՝ 771.4) այն ևս ներառված չէ: