ՀԷՑ-ը դուրս է մնացել 1000 խոշոր հարկատուների առաջին տասնյակից

ՊԵԿ-ը հրապարակել է ՀՀ 1000 խոշոր հարկատուների առաջին եռամսյակում վճարած հարկերի ցուցանիշը։ Առաջին հորիզոնականում «Մոբայլ սենթր արթ» ընկերությունն է 21.3 մլրդ դրամ վճարած հարկով։ 2025 թ նույն ժամանակահատվածում այս ընկերությունը երկրորդն էր՝ վճարած 16.5 մլրդ դրամ հարկով՝ զիջելով «Գազպրոմ Արմենիային»։ 2026 թ-ին «Գազպրոմ Արմենիան» արդեն երկրորդն է և վճարել է 19.4 մլրդ. դր. հարկ։

Երրորդ հորիզոնակը «Զանգեզուրի պղնձամոլիբդենային կոմբինատ»-ն է, որը վճարել է 15.4 մլր դրամ։ Հատկանշական է, որ այս ընկերությունը 2025 թ. առաջին եռամսյակում չկար նույնիս առաջին 200 հարկատուների թվում։

Չորրորդ հորիզոնակնում «Գրանդ Տոբակո» ընկերությունն է՝ վճարած 11.4 մլրդ դրամով։

Հինգերոդ տեղում «Սոֆթ կոնստրակտ» ընկերությունն է (8 մլրդ դրամ), որը նախորդ տարի 10-րդն էր՝ վճարած 4 մլրդ դրամով։

6-րդ հորիզոնականը «ԻՄՎԲԱՄ» ընկերությունն է(6.8 մլրդ դր.), որը ներկայացնում է «Վալդբերիզը» և նախորդ տարի էլ էր նույն հորիզոնականում(5.6 մլրդ դրամ)։

«Դիջիթեյն» ընկերությունը 7-րդն է՝ վճարած 6.7 մլրդ դրամով։ 8-րդ հորիզոնականում «ֆիլիպ Մորրիս Արմենիա»-ն է (6.3 մլրդ.դր.), 9-ում «Սիթի»-ն (6.1 մլրդ. դր), իսկ 10-րդ հորիզոնակոնւմ «Թեղուտ»-ն է՝ 6.1 մլրդ դրամով։

Հատկանշական է, որ «Հայաստանի էլեկտրական ցանցեր» ընկերությունը դուրս է մնացել առաջին տասնյակից, այն դեպքում երբ 2025 թ նույն ժամանակհատվածում 9-րդն էր՝ վճարած 4.4 մլրդ. դր հարկով։ 2026 թ-ին ՀԷՑ-ը 14-րդն է (4.5 մլրդ դր)։