2021թ․-ի ընտրությունների արդյունը չի կրկնվի,Նիկոլ Փաշինյանի վարկանիշն ավելի մաշված է․ Սուրենյանց

«Առաջարկ Հայաստան»-ին միացած քաղաքագետ Սուրեն Սուրենյանցը լրագրողների հետ զրույցում նշեց, որ ընտրական ցուցակում կա , սակայն կոռեկտ չհամարեց նշել, թե ո՞ր համարի ներքո է, ասաց՝ հաստատուն դիրքում է։ Նա նաև տեղեկացրեց, որ Գագիկ Ծառուկյանն է ցուցակի առաջին համարում։

Սուրենյանցը նաև ընդգծեց, որ այսօր վարչապետի թեկնածուի հետ կապված  առանձնապես անակնկալներ չեն լինի։

«Չեմ կարծում, որ այսօր վարչապետի թեկնածուի մասով ինչ-որ նորություններ ենք լսելու։ Մենք գնում ենք ընտրությունների՝ հաղթելու համար»,- «Բարգավաճ Հայաստան կուսակցության համագումարի և «Առաջարկ Հայաստան»-ի թիմի շնորհանդեսի ժամանակ լրագրողների հետ զրույցում ասաց Սուրենյանցը։

 Քաղաքական գործիչը նաև նշեց, որ այս պահին ընդդիմադիր երեք ուժերի միջև կոնսոլիդացիայի հնարավորություն տեսնում է։

«Թող ներեն մյուս քաղաքական ուժերը, բայց երեք ուժերի մեջ տեսնում եմ կոնսոլիդացիա։ Վստահ եմ ՝ 2021թ․-ի ընտրությունների արդյունը չի կրկնվելու։ Նախ Նիկոլ Փաշինյանի վարկանիշն ավելի մաշված է, հետո երեք ուժերն ավելի պատրաստված են ընտրություններին»

Հարցին,թե կա՞ ուժ , որի հետ չեն տեսնում կոնսոլիդացիա, Սուրենյանցը պատասխանեց․ «Կա ուժ, որի հետ բացառում ենք համագործակցությունը, դա ՔՊ-ն է և իր արբանյակները։ Կա սկզբունք՝ եթե մենք լինենք առաջինը, ապա մեր շուրջ կլինի համախմբումը, եթե այլ ընդդիմադիր ուժ՝ իր շուրջ կլինի կոնսոլիդացիան»։