Հնդկաստանը մտածում է Բանգլադեշի հետ սահմանը պաշտպանել կոկորդիլոսներով

Հնդկաստանն ուսումնասիրում է անսովոր մի նոր ռազմավարություն՝ Բանգլադեշի հետ իր սահմանի անվտանգությունն ամրապնդելու համար՝ օգտագործելով սողուններին, ինչպիսիք են օձերը և կոկորդիլոսները որպես բնական զսպող միջոցներ։  The Hindu պարբերականի փոխանցմամբ, այս գաղափարը դիտարկվում է սահմանի  գետային այն հատվածների համար, որտեղ ավանդական ցանկապատումը դժվար է կամ անհնար՝ ճահճային տեղանքի և ջրային տարածքների պատճառով։

Ծրագիրը նախաձեռնվել է Ամիթ Շահի հանձնարարականներից հետո, որով Սահմանապահ անվտանգության ուժերին (BSF) հանձնարարվել է ուսումնասիրել դրա իրագործելիությունը։ Այս խոցելի տարածքներում, որոնք կազմում են Հնդկաստան-Բանգլադեշ ավելի քան 4,000 կմ երկարությամբ սահմանի փոքր, բայց կարևոր մասը, հաճախ են գրանցվում ապօրինի հատումների և մաքսանենգության դեպքեր։

Այս շրջաններում սողունների ներմուծմամբ իշխանությունները նպատակ ունեն ստեղծել բնական պատնեշ, որը կկանխի չարտոնված տեղաշարժը։ Առաջարկը դեռևս գնահատման փուլում է, սակայն այն արտացոլում է անցումը դեպի սահմանային անվտանգության ավելի ոչ սովորական մոտեցումների։