Մինչև չմերժենք չար գործերն ու կորստաբեր քայլերը, չենք կարող հաստատել զարթոնք ու ծաղկում. Գարեգին Երկրորդի հայրապետական խոսքը

«Աշխարհի շփոթում թվում է թե խլացել են Առաքյալի հորդորներն ու ավետարանական պատգամները և Աստծո արարչագործություններն անարգվում և վտանգվում են չարագործություններով ու անիրավություններով; Մարդկանց կայնքն ալեկոծվում ու խորտակվում է հակամարտություններով , թշնամանքներով ու պատերազմենրով»,-Ս. Հարության տոնի Հայրապետական Պատարագի ժամանակ հավատավոր ժողովրդին իր խոսքն ուղղեց Ամենայն Հայոց Կաթողիկոս Գարեգին Երկրորդը։

Կաթողիկաոսի խոսքով՝ դրանք հաղթահարելու համար ազգերն ու երկրները պետք է ավելի հետամուտ լինեն Աստծու կամքին՝ խաղաղ համակեցության և արդյունավետ գործակցության համար;

«Սուսերներից խոփեր պետք է ձուլեն և սվիններից՝ մանգաղներ։ Ազգ-ազգի վրա այլևս սուր չպիտի բարձարացնի և նրանք այլևս պետք է սովորեն չպատերազմել»,-մարգարեին մեջբերց Գարեգին Երկրորդը և շարունակեց ուղերձը.

«Սիրելինե.ր, արցախյան ողբերգական պատերազմից տարիներ անց տակավին տագնապներն ու մտահոգությունները չեն լքում մեր սրտերը, որ տենչում են խաղաղություն և անվտանգությւոն։ Մեր ժողովուրդը լավագույնս գիտի արժեքը խաղաղության և անվտանգության, որի համար ազգիս զավակները վճարել են իրենց կյանքով։

Դեռ թարմ են մեր կրած վշտերն ու վերքերը, որոնց ցավն այսօր ավելի է խորանում արցախահայության իրավունքների ոտնահարումով, պատանդառված մեր հայրենակիցների ապօրինի ազտազրկմամբ։ Ցավը խորանում է երբ շարունակվում է սերմանվել պառակտումի որոմը, երբ անտեսվում և խեղաթյուրվում են նվիրական արժեքները, երբ գործադրվում է կամայական ու ընտրովի արդարադատություն և կեղծ ու շինծու մեղադրանքներով իշխանությունների կողմից բռնաճնշումներ են իրականացվում եկեղեցու նկատմամբ։ Եկեղեցին՝ Քրիստոսով անսասան է, հզոր ու աներեր։ Եկեցեղին Աստծո տունն է, հավատացյալների հավաքականությունը, իր փրկարար առաքելությամբ, խաղաղությամբ, եղբայրասիրությամբ ջատագովն ու ավետողը. Քրիստոսի հրաշափառ հարության անլռելի քարոզիչը։ Եկեղեցին հարության կյանքի հրավերն է մշտապես բարձրաձայնում, իր զավակներին զերծ պահելու համար հուսահատությունից, անիրավություններից ու անկումներից,  զերծ պահելու հայրենական և ազգային անդաստանում կորստաբեր ճանապարհներից։

Հարության կյանը երբեք չի կարող լինել միմյանցից օտարումներով և բաժանումներով, քրիստոնեական արժեքների խեղմամբ, եկեղեցու առաքելության նսեմացմամբ և սահմանափակմամբ, ազգային շահերը խեղաթյուրելով, արդարությունն ու ճշմարտությունն աղճատելով։ Մինչև չմերժեք չար գործերն ու կորստաբեր քայլերը, չենք կարող հաստատել զարթոնք ու ծաղկում, առաջադիմություն և բարօրություն, անձնական և հասարակական կյանքում և կերտել մեր ժողովրդի հարատևության անխորտակելի հեռանկարները։

 Սիրելիներ, հայրապետական մեր պատգամն է՝ նախընտրենք բարին՝ ընդդեմ չարիքի, հաշտությունն՝ ընդդեմ խառնակչության, ազնուվությունն ու ուղղամտությունը՝ ընդդեմ կեղծիքների և խարդավանքների, փոխադարձ հարգանքն ու զորակցությունը՝ ընդդեմ անպատվությանը և նենգադավությանը։ Առաջնորդվենք վնասակար և կործանարար երևությաները բացառելու հանձնառությամբ, մեր պարտություններից ոտքի կանգնելու հաստատակամությամբ և նախնյաց ժառանգությունն անաղարտ պահելու նախանձախնդրությամբ։ Գերադասենք, սերը, համերաշխությունը,  միասնությունը, որպեսզի համատեղ ջանքերով կարող լինենք վեր հառնել մեզ պատուհասած նեղություններից ու դժվարություններից, ամրապնդել մեր պետականությունը, և կերտել ազգի առաջընթան ու բարգավաճումը։ Միշտ հավատարիմ մնանք հարության մեր Տիրոջը, ով իր անձը տվեց մեզ համար, ոպեսզի մերզ փրկի ամեն անօրինությունից և մաքրի որպես իրեն սեփական ժողովուրդ՝ նախանձախնդիր բարի գործերեվ»։

Հայոց կաթողիկոսը հայտարարեց, որ Սուրբ Հարության ուրախալի ավետիսով Միածնաէջ Մայր տաճարից եղբայրական ողջույններն է հղում Առաքելալան սուրբ եկեղեցու նվիրապետական աթոռների գահակալներին՝ Արամ Ա Մեծին Տան կիլիկիո հայ կաթողիկոսին, Երուսաղեմի հայ պատրիարք Նուրհան արքեպիսկոպոս Մանուկյանին, Կոստանդնապոլսի հայոց պատրիարք Սահակ Արքեպիսկոպոս Մաշալյանին,  սուրբ եկեղեցու ուխտապահ ողջ հոգևոր դասին, քույր եկեղեցիներին, հավատավոր ժողովրդին;