Ուսուցչուհին Փաշինյանին սխալ է ներկայացրել Նյուտոնի առաջին օրենքը

Նիկոլ Փաշինյանը նախօրեին Արմավիրի մարզում վերանորոգված դպրոցներից մեկն այցի ժամանակ զարմացել է՝ դասասեղաններին տեսնելով խաղալիք ավտոմեքենաներ։ Պարզվում է, որ դրանցով աշակերտներին բացատրում են Նյուտոնի առաջին օրենքը։ Նա խնդրում է ուսուցչուհուն բացատրել Նյուտոնի առաջին օրենքը։ Վերջինս էլ բացատրում է, բայց, պարզվում է, սխալ։

Մաթեմատիկոս, Բարձրագույն որակավորման կոմտեի նախկին նախագահ Սմբատ Գոգյանը գրել է. «Իհարկե խաղալիք մեքենա ու սարքեր ունենալը լավ է, բայց նաև պետք է ֆիզիկա իմանալ։ Ցավոք Նյուտոնի առաջին օրենքը սխալ ներկայացրեց։ Նյուտոնի առաջին օրենքն ասում է, որ եթե ուժ չազդեր, ապա էտ մեքենան երբեք չէր կանգնի։ Էս դեպքում սեղանի մակերևույթի հետ շփման ուժը, մեքենայի պտտվող դետալների միջև եղած ուժերն ու օդի դիմադրությունը կանգնեցնում են մեքենան»։ 

Ֆիզիկամաթեմատիկական գիտությունների թեկնածու Աղասի Միքայելյանը գրել է. «Մի քանի օր առաջ գրել էի, որ հուսով եմ ֆիզիկայի դաս չի հարամի։ Հարամեց։ Միայն ինքը չէ, ուսուցիչն էլ։ Նյուտոնի առաջին օրենքը տենց բան չի ասում։ Թե բա որոշ ժամանակ հետո գնում ու կանգնում ա, եթե ուժ չազդի մարմնի վրա»։