18–ամյա Դավիթի համար փաստաբանները հրատապ դիմում կներկայացնեն գլխավոր դատախազին. նաեւ Վերաքննիչ են դիմելու

Երեկ գործընկերներիս հետ մասնակցում էինք կալանքը որպես խափանման միջոց ընտրելու միջնորդության քննությանը դատավոր Մնացական Մարտիրոսյանի նախագահությամբ, որը վերաբերում էր 18-ամյա Դավիթ Մինասյանի կալանավորելու հարցին։ Այս մասին հայտնեց փաստաբան Արամ Վարդևանյանը։

«Ուզում եմ ասել, որ ոչ ոք չի արդարացնում բռնությունը, ոչ ոք չի արդարացնում ֆիզիկական ներգործությունը, բայց խնդրում եմ եկեք ավելի հստակ մեկ անգամ նայենք այդ տեսանյութը և նկատենք, թե ինչ է տեղի ունենումմինչեւ այդ։ Տեսանյութից  պարզ է դառնում, որ ֆիզիկական ներգործության վիճակը մեկնարկել է ՊՊԾ աշխատակցի նախաձեռնությամբ։ Այսինքն սկզբում 18 տարեկան, առողջական խնդիրներ ունեցող Դավիթ Մինասյանի կողմից չի իրականացվում։

Այս բոլոր հանգամանքները դատական նիստի ընթացքում մանրամասն ներկայացվեցին, զննվեցին, քննարկվեցին, բայց ոչ մի իրավական արդյունք չտրվեցին։ Ինչպե՞ս է իրականում դա լինում։ Սա իրավական, ժխտողականության ճանապարհն է։ Այսինքն մենք հասնում ենք մի իրավիճակի, երբ պետք է խոսենք 18 տարեկան ապօրինի կալանավորվածի մասին, որի առողջական խնդիրները անվիճելի են։ Դատավոր Մարտիրոսյանը գտել է, որ առկա է միայն խոչընդոտելու ռիսկը այն պարագայում, որ հիմնական ապացույցը ըստ քննչականի, հանդիսանում է տեսանյութը։

Այսօր մենք վերաքննիչ բողոքը մուտք ենք անելու, նաև հրատապ դիմում ենք ներկայացնելու Գլխավոր դատախազին։ Ազատությու՛ն, բոլոր ապօրինի կալանավորվածներին»։