Փաշինյանական ժանդարմերիան «խուլիգանության և պաշտոնյայի օրինական ծառայողական և քաղաքական գործունեությանը միջամտելու» կասկածանքով ձերբակալվել է 2 անձ

Փաշինյանի որևէ տեղաշարժ իսկական պատուհաս է դարձել Հայաստանի խաղաղ բնակչության համար: Բացի այն, որ նրա ավտոշարասյունը վրաերթով խփեց-սպանեց հղի կնոջն ու նրա չծնված երեխային, հիմա էլ ինքն է գնում մարդաշատ վայրեր՝ իմանալով, որ հայ ժողովուրդի մեծամասնությունն ատելով ատում է իրեն: 
Փաշինյանը այսօր մտել էր եկեղեցի՝ Սուրբ պատարագի ժամանակ, ակնհայտորեն՝ սադրանք հրահրելու նպատակով: Նա, որ տևական ժամանակ ամենազազրախոսական ու կեղտոտ եղանակներով հարձակվեց Հայ Առաքելական եկեղեցու վրա՝ ամենակեղտոտ ձևերով վիրավորեց հավատացյալ մարդկանց կրոնական զգացմունքները, գնաց ու իր թիկնազորքով մտավ հավատացյալ մարդկանց բազմության մեջ: 

Հետևանքը. ՆԳՆ ոստիկանության ծառայողները խուլիգանության և պաշտոնատար անձի օրինական ծառայողական և քաղաքական գործունեությանը միջամտելու կասկածանքով ձերբակալել են 2 անձի: Այս մասին NEWS.am–ին հայտնեցին ՆԳՆ–ից՝ անդրադառնալով Սուրբ Աննա եկեղեցու բակում երկու երիտասարդի բռնի ուժով բերման ենթարկելուն։

Հիշեցնենք, որ այսօր Երեւանի Սուրբ Աննա եկեղեցուց դուրս գալիս Նիկոլ Փաշինյանի թիկնապահները քաշքշել են մի երիտասարդի, ով Փաշինյանին դիմելով ասել է. «Ըտենց չնայես»։
--
Իսկ կլինի՞, որ Փաշինյանը մինչև իշխանազրկվելը, հաղորդակցվի «բերովի» «տատիկ-պապիկների» հետ ու հեռու մնա իրական մարդկանցից: Թե չէ մարդիկ իրենց համար գնացել էին Ծաղկազարդի պատարագին, բայց փոխարենը, փաշինյանական ժանդարմերիայի ռեպրեսիաների թիրախում հայտնվեցին: