Իսրայելական բանակը քայքայման եզրին է կանգնած. նշում է նրա գլխավոր շտաբի պետ Էյալ Զամիրը

Ռազմաքաղաքական կաբինետի նիստում Իսրայելի պաշտպանության բանակի շտաբի պետ, գեներալ-լեյտենանտ Էյալ Զամիրը Իսրայելի քաղաքական ղեկավարությանը տեղեկացրել է, որ բանակը ճգնաժամի առջև է կանգնած, քանի որ չունի բավարար մարդկային ռեսուրսներ՝ կառավարության կողմից իրեն հանձնարարվող աճող թվով առաջադրանքները կատարելու համար։

«Իսրայելի պաշտպանության բանակը փլուզվում է։ Ես ձեր առջև տասը կարմիր դրոշ եմ բարձրացնում։ Իսրայելի պաշտպանության բանակին այժմ անհրաժեշտ է զորակոչի մասին օրենք, պահեստազորի մասին օրենք և պարտադիր զորակոչը երկարաձգող օրենք։ Շուտով Իսրայելի պաշտպանության բանակը կկորցնի իր բնականոն պարտականությունները կատարելու ունակությունը, և պահեստազորի համակարգը կփլուզվի», - հայտարարել է  Զամիրը։

Ըստ իսրայելական ռազմական փորձագետների, Զամիրը խնդիրները  չի ուռճացրել, քանի որ այն վտանգները որ կան այդ երկրի առջև, տասնապատիկ մեծացել են, կապված այս պատերազմի հետ:

Ըստ կառավարական   աղբյուրների, բանակի գլխավոր շտաբի պետը Նեթանյահուից պահանջել է զորակոչ անցկացնել՝ հավաքագրելով լրացուցիչ, ավելի քան 450 հազար մարդ:

Սակայն կառավարությունում կասկած են հայտնում, որ նման քանակի մարդ հնարավոր կլինի մոբիլիզացնել շատ կարճ ժամանակահատվածում:

Իսկ կառավարության աղբյուրները չեն թաքցնում, որ բանակի վերնախավն արդեն բացեիբաց է քննադատում այդ երկրի հատուկ ծառայության ղեկավարներին (Մոսադին), որ վերջիններս սխալ կանխատեսումներով են հանդես եկել  Իրանի հնարավոր ներքին զարգացումների վերաբերյալ:

Իշխանության հավաստի աղբյուրները հայտնում են, որ  ռազմական պաշտոնյաների մեծ մասը  քննադատաբար է մոտենում հետախուզական գործակալության աշխատանքին, կարծելով, որ այն թերագնահատել է իրանական ռեժիմի դիմադրողականությունը: Նրանք կարծում են, որ Մոսսադը սպասում էր իշխանության ավելի արագ փլուզման Թեհրանում:

Ավելին, իսրայելական զինվորականների քննադատությանը միացել են նաև Մոսսադի նախկին ղեկավարը և նրա թիմակիցները, որոնք նշել են, թե  դեմ են եղել Իրանի դեմ պատերազմին, քանի որ գետնի վրա  գիտեին, որ Իրանում գոյություն չունի կրտիկական չափի հասնող ընդդիմադիր զանգված, որոնք ցանկանում են աջակցել Իսրայելին և ԱՄՆ-ին՝ իրենց երկրի դեմ գործողություններ սկսելու հարցում:

Ըստ Մոսսադի նախկին վերնախավի, որոնք ղեկավարում էին այդ կառույցը մինչև 2021 թվականը, Իրանում նույնիսկ քաղաքական համակարգի լեգիտիմության պակաս չկա, որը թույլ կտար այդ երկրում այնպիսի փոփոխությունների հասնել, որը հավասարազոր կլինեին 1979 թվականի հեղափոխությանը:

Ռազմական փորձագետների կարծիքով, վարչապետ Նեթանյահուի այդ քայլերը փաստացի լրջագույն վտանգի առջև են կանգնեցրել Իսրայելը, և եթե չլինի ԱՄՆ-ի կողմից լրացուցիչ մեծ աջակցությունը, ապա երկիրը կարող է կանգնել գոյաբանական խնդրի առաջ:

Հիշեցնենք նաև, որ Նեթանյահուի դեմ այս պահին կա երեք քրեական գործեր, որոնք սառեցված են՝ հաշվի առնելով պատերազմական իրավիճակը:

Ավելին, ԱՄՆ-ի նախագահ Թրամփը խնդրել էր Իսրայելի նախագահից՝ Հերցեգից, չեղարկել Նեթանյահուի հանդեպ այդ գործերը, քանի որ դա կարող է վատ ազդել այդ երկրի ժողովուրդի բարոյահոգեբանական վիճակի վրա, սակայն վերջինս մերժել է Թրամփի այս առաջարկը, նշելով, որ ԱՄՆ-ի նախագահը չպիտի խառնվի Իսրայելի ներքին գործերի մեջ:

Փորձագետների կարծիքով՝ Նեթանյահուի այս կարգավիճակը լրացուցիչ դեր է խաղացել, որ վերջինս որոշում կայացնի Իրանի դեմ պատերազմ սկսելու համար:

Փորձագետների կարծիքով, այս քայլով Նաթանյահուն հույս է ունեցել ԱՄՆ-ի հետ միասին տապալել Իրանի ներկայիս «այաթոլլաների ռեժիմը», իսկ դրա դիմաց իսրայելական հանրությունը ավելի ներողամիտ կգտնվեր Նեթանյահուի քրեական գործերի նկատմամբ:

Այս ամենը մեզ կրկին հիշեցնում է, թե ինչքան նման են Իսրայելի, Հայաստանի, Ուկրաինայի իրավիճակները, երբ այդ երկրի ղեկավարները, իրենց անձնական խնդիրների պատճառով,  իրենց երկրները գցում են կրակի մեջ:

Իսկ ինչու է ՞ այդպես ստացվում, դա արդեն այլ խոսակցության հարց է:

Սա է իրականությունը:

Արտակ Հակոբյան
Zham.am