«Զանգեզուրի միջանցքի» վերաբերյալ հուշագիր է ձեռք բերվել, նախատեսվում է ավարտել 4-5 տարվա ընթացքում. Թուրքիայի տրանսպորտի նախարար

«Զանգեզուրի միջանցքի վերաբերյալ հուշագիր է ձեռք բերվել, որը նախատեսվում է ավարտել 4-5 տարվա ընթացքում՝ ստեղծելով բարձր թողունակությամբ և ավելի ուղիղ կապ թյուրքական աշխարհի հետ։ Ըստ թուրքական լրատվամիջոցների, հայտնել է  Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն։ 

Ըստ նրա, «Զանգեզուրի միջանցքը» պետք է դիտարկել որպես մի երթուղի, որը կբարձրացնի հզորությունը՝ զուգահեռաբար առկա արևելք-արևմուտք տրանսպորտային կապերին։

Նա նշել է, որ նախատեսված երթուղին կսկսվի Կարսից՝ Թուրքիայի արևելքում, կանցնի Իգդիրով և Դիլուջուով դեպի Նախիջևան, կշարունակվի մոտավորապես 43 կիլոմետր (26 մղոն) երկարությամբ Զանգեզուրի միջանցքով, ապա կմիանա Ադրբեջանի մայրցամաքային մասին։

Ուրալօղլուն ասել է, որ ադրբեջանական կողմում աշխատանքները մոտենում են ավարտին, մինչդեռ «Զանգեզուրի միջանցքի» վերաբերյալ հուշագիր է ձեռք բերվել, չնայած այնտեղ շինարարությունը դեռ չի սկսվել։

«Ես կարծում եմ, որ աշխատանքները կսկսվեն առաջիկա ժամանակահատվածում առանց մեծ ուշացման», - ասել է նա։

Ըստ նրա, Նախիջևանի կողմում կա 180 կիլոմետրանոց հատված, որի մի մասը կբարելավվի, իսկ մյուս մասը՝ նորը կկառուցվի, իսկ Թուրքիայի 224 կիլոմետրանոց հատվածում շինարարությունն արդեն սկսվել է, որը շարունակվում է։

«Չորսից հինգ տարվա ընթացքում «Զանգեզուրի միջանցքը» կյանքի կոչելով՝ մենք իրականում կկառուցենք բարձր թողունակությամբ և ավելի ուղիղ միջանցք, որը կարող է հասնել թյուրքական աշխարհ», - ասել է Աբդուլքադիր Ուրալօղլուն։

Աղբյուրը` Panorama.am