Իրանը Թրամփի բանակցությունների առաջարկը համարում է խորամանկություն

Իրանի պաշտոնյաները, ԱՄՆ-ի հետ բանակցություններում միջնորդ երկրներին ասել են, որ չեն վստահում Վաշինգտոնին՝ նախկին փորձի պատճառով։ Այդ մասին հաղորդում է Axios-ը՝ հղում անելով աղբյուրներին։

ԱՄՆ-ի և Իրանի միջև բանակցություններն արդեն երկու անգամ ձախողվել են. հունիսին Իսրայելը, նախագահ Դոնալդ Թրամփի աջակցությամբ, հարձակվեց Իրանի վրա՝ բանակցությունների նախատեսված փուլից առաջ, իսկ փետրվարին ԱՄՆ-ն և Իսրայելը գործողություն սկսեցին նախնական միջուկային համաձայնությունների ձեռքբերումից հետո։ «Մենք չենք ուզում կրկին խաբվել», -«ՌԻԱ նովոստի»-ն գրում է, որ պորտալն է մեջբերում իր աղբյուրներին։ Այս մասին տեղեկանում ենք Panarama.am:

Պորտալի տվյալներով՝ Իրանն արդեն տեղեկացրել է Պակիստանի, Եգիպտոսի և Թուրքիայի իշխանություններին, որ տարածաշրջանում ԱՄՆ ռազմական ներկայության ավելացումը միայն ամրապնդում է Թեհրանի մտավախությունները, որ Թրամփի խաղաղ բանակցությունների առաջարկը կարող է խորամանկություն լինել։

ԱՄՆ նախագահ Դոնալդ Թրամփը հայտարարել էր, որ ինքը՝ պետքարտուղար Մարկո Ռուբիոյի, փոխնախագահ Ջ.Դ. Վենսի, հատուկ դեսպանորդ Սթիվ Վիտկոֆի և իր փեսայի՝ Ջարեդ Քուշների հետ, մասնակցում է Իրանի հետ բանակցություններին։ Նա ասել է, որ բանակցությունները վերսկսվել են կիրակի օրը և ցույց են տալիս Թեհրանի լուրջ հանձնառությունը հակամարտության լուծում գտնելու հարցում։ Իրանի խորհրդարանի խոսնակ Մոհամմադ Բաղեր Ղալիբաֆը հայտարարել է, որ ԱՄՆ-ի հետ բանակցություններ չեն եղել, և որ կեղծ լուրերը ծառայում են շուկաները մանիպուլյացիայի ենթարկելուն։