Փաշինյանի համար դիվանագիտություն գոյություն չունի, հիմա նրա խնդիրը Ռուսաստանին մաքսիմում ցեխոտելն է. Հայկ Նահապետյան

Կառավարության ճեպազրույցների սրահում Նիկոլ Փաշինյանը հայտարարեց. «Ես համոզված եմ, որ երկու օլիգարխներն էլ թույլիկ են և՛ վերլուծական մտքով, և՛ բառապաշարով, և ես կարծում եմ, որ եթե դա որևէ մեկը ապացուցված չի համարել, այն շատ հեշտ է ապացուցել: Իրենք ուժեղ են իրենց աշխատած փողերով, իրենք իրենց փողերն աշխատել են իրենց կոռուպցիոն պապաների միջոցով... Այդ մարդկանց փողերի մի հսկայական մասն իրենցը չէ, օտարերկրյա կոռուպցիոն համակարգերինն է, և իրենք ընդամենը բավականին թույլ կառավարիչներ են»: Panorama.am-ը դիմեց քաղաքագետ Հայկ Նահապետյանին՝ պարզելու համար, թե արդյոք դիվանագիտական կոպիտ ժեստ և ընդհանրապես անհեռատես հայտարարություն չէ Նիկոլ Փաշինյանի կողմից տնտեսական հիմնական գործընկեր ՌԴ-ին «կոռումպացված համակարգեր» ունեցող երկրի որակավորում վերագրելը։

Հ. Նահապետյան-Որ մի անպատասխանատու հայտարարության համար է Նիկոլ Փաշինյանը պատասխան տվել։ Այսօր մի բան կասի, վաղը կասի, թե նման բան չի ասել։ Արցախից բռնագաղթածին ագրեսիվ, բռնության միտումներով, տոնայնությամբ հիստերիկաբար հոխորտում է, երկու ժամ հետո լրագրողը հարցնում է, թե զոհվածի աղջկան Արցախից «փախած» է անվանել՝ Փաշինյանը պատասխանում է, թե նման բան չկա։

Փաշինյանի համար դիվանագիտություն գոյություն չունի, հիմա նրա խնդիրը Ռուսաստանին մաքսիմում ցեխոտելն է, որովհետև այն այլանդակությունները, որոնք նա ընտրությունների ժամանակ անելու է, դրանց վրա եվրամիության կնիքը դնելուն կարող են խոչընդոտեն և իրական պատկերը ցույց տան Ռուսաստանից և այլ երկրներից եկած դիտորդները։

Դրա համար էլ Ռուսաստանի վրա ամեն կեղտ շպրտելու է, որ Եվրոպան էլ ասի՝ «շան տղան է», բայց «մեր շան տղան է»։ 

Ինչու է նման հող նախապատրաստում, որպեսզի ընտրություններում անի այլանդակություններ և ասի, որ 150%-ով հաղթել է, այն դեպքում, որ 1% ձայն ունի, իսկ վարչական ապարատի վրա, որ ճնշում չլինի, նրան անգամ, իր զուգընկերը ձայն չի տա, որը թողեց գնաց։

Կրկնում եմ՝ ընտրությունների ժամանակ այդ ապօրինությունները պետք է վավարեցնեն եկած Եվրամիության խմբերը, դրա համար էլ հակառուսական դաշտում նա առավելագույնն է գեներացնում, ընդորում, մինչև ընտրությունները  դեռ շատ բաներ ենք լսելու Ռուսաստանի, Բելառուսի և մեր մյուս դաշնակիցների դեմ։

Բայց հիշեք՝ ո՞ր պահին Եվրամիությունից բան չմնաց, (իսկ հիմա ակնհյատ է, որ ԵՄ-ն որպես այդպիսին լուծարվում է) Բոլշևիկյան Ռուսաստանի ժամանակներին օգտագործվող «բուդյոնովկան»(Կարմիր բանակի զինվորականների սրածայր, հնգաթև կարմիր աստղով գլխարկը), Նիկոլ Փաշինյանն առաջինն է իր ու ՔՊ-ականների գլուխներին դնելու և վազելով գնալու են Իջևան, որպեսզի դիմավորեն 11-րդ Կարմիր «ազատարար բանակի» մուտքը Հայաստան։