Փաշինյանի ԱԳ նախարարը ահաբեկում է Հայաստանի ժողովրդին, որ եթե իրենք չլինեն, անմիջապես պատերազմ կլինի

Փաշինյանի ու ՔՊ-ի «արտաքին գործերի նախարար» Արարատ Միրզոյանը կարծում է, թե Նիկոլ Փաշինյանը պայմանական է ասել, որ սեպտեմբերին պատերազմ կլինի, եթե ՔՊ-ն չլինի իշխանության։

«Նկատի ունի ընտրություններից կարճ ժամանակ անց, իսկ որ այդպիսի հեռանկար կարող է լինել՝ միանշանակ է»,- լրագրողների հետ զրույցում ասաց Միրզոյանը։

Ինչյպես հաղորդւում է Aysor.am-ը, նա պնդեց՝ ընդդիմադիրների գաղափարախոսությունն այն է, որ  Հայաստանի գրեթե բոլոր հարևան երկրների հետ տարածքային խնդիրներ կան, պահանջներ ունենք։

«Ակնհայտ է, որ այս մտայնությամբ մարդիկ, եթե գան իշխանության, անմիջապես խնդիր է առաջանալու հարևանների հետ, շատ մեծ հավանականությամբ Հայաստանն անմիջապես կկանգնի նոր պատերազմի առաջ»,- ասաց Միրզոյանը։

ՔՊ-ականը նշեց, որ իրենք առաջարկում են խաղաղություն այլ պայմաններում, իրենց խորը համոզմամբ, Հայաստանի գոյությունը կհայտնվի մեծ կասկածի տակ։

Լրագրողի դիտարկմանը, որ իրենց իշխանությունը չորս պատերազմ է բերել «այս երկրի գլխին»՝ նա արձագանքեց, թե իրենք պատերազմ չեն բերել, պատերազմը հետևանք է եղել։

«Այո՛, եղել է մեր օրոք, բայց եղել է 30+ տարիների սխալ քաղաքական մտքի շրջանակներում մնալու հետևանքով, չհասկանալու հետևանքով, բայց որ մենք ենք բերել՝ մեծ չափազանցություն է»,- նշեց Միրզոյանը։
--
Մեր կողմից նկատենք, որ Արարատ Միրզոյանի ասածը ավելին է, քան պարզապես մանիպուլյացիան: Դա բացահայտ անհեթեթություն է ու նախատեսված է ամբողջովին ուղեղազուրկ լսարանի համար: Թե՝ «30 տարիների սխալ քաղաքականության» հետևանքով էր: Այդ ինչպե՞ս է, որ «սխալ քաղաքականության» շրջանում Հայաստանը խաղաղ էր, ուժեղ ու արտաքին-քաղաքական գործոն, իսկ փաշինյանականների ու միրզոյանների իշխանության 8 տարիներին ու այդ իշխանավարման հետևանքով Հայաստանը վերածվել է օբյեկտի, ըստ որում՝ թուրքական կամա՜կատարի կարգավիճակով, ի լրումն՝ պատերազմական պերմանենտ իրավիճակների ու աղետների զուգորդմամբ: