Իրանի միջուկային օբյեկտների վրա հարձակումները միջազգային իրավունքի աննկարագրելի խախտում են․ ՌԴ ԱԳՆ

Ամերիկա-իսրայելական տանդեմը շարունակում է զանգվածային հարվածներ հասցնել իրանական ռազմական, քաղաքացիական և, ինչն ամենավտանգավորն է, միջուկային օբյեկտներին՝ հաշվի չառնելով ո՛չ խաղաղ բնակչության շրջանում զոհերի, ո՛չ հնարավոր ռադիոլոգիական և բնապահպանական հետևանքները: Այս մասին ասված է Ռուսաստանի ԱԳՆ հայտարարության մեջ:

Ինչպես նշել են գերատեսչությունում, չնայած դեռևս անցյալ տարվա հունիսին ամերիկյան ավիահարվածների հետևանքով իրանական միջուկային ծրագրի «լիակատար ոչնչացման» մասին հայտնի պնդումներին, մարտի 21-ի առավոտյան կրկին հարվածներ են հասցվել Իրանի Նաթանզ քաղաքում գտնվող ուրանի հարստացման ձեռնարկությանը, որը գտնվում է Ատոմային էներգիայի միջազգային գործակալության (ԱԷՄԳ) երաշխիքների ներքո:

«Սա միջազգային իրավունքի, ՄԱԿ-ի և ԱԷՄԳ-ի կանոնադրությունների, ՄԱԿ-ի Անվտանգության խորհրդի և Գործակալության Գլխավոր համաժողովի համապատասխան բանաձևերի աննկարագրելի խախտում է։ Միջազգային հանրությունը, ներառյալ ՄԱԿ-ի և ԱԷՄԳ-ի ղեկավարությունը, պարտավոր է անհապաղ օբյեկտիվ և անզիջում գնահատական տալ այս անպատասխանատու գործողություններին, որոնք աղետի իրական վտանգներ են ստեղծում ողջ Մերձավոր Արևելքի մասշտաբով և բացահայտորեն ուղղված են տարածաշրջանում խաղաղության, կայունության ու անվտանգության հետագա քայքայմանը», - ընդգծվում է ՌԴ ԱԳՆ հայտարարության մեջ։