Ադրբեջանական նավթ, թե՞ հայկական ժողովրդավարություն
Քաղաքագետ Բենիամին Մաթևոսյանը նկատում է. «Մարթա Կոսը Հայաստանում է։ Նա խոստանում է աջակցել երկրում ժողովրդավարության զարգացմանը և հավաստիացնում, որ քաղաքացիներին հնարավորություն կտրվի ձևավորել սեփական իշխանությունը՝ իրենց կամքին համապատասխան։
Սակայն հարց է առաջանում՝ հատկապես ո՞ր քաղաքացիների մասին է խոսքը։
Արդյո՞ք նկատի ունեն այն քաղաքացիներին, ովքեր ի դեմս Ադրբեջանի և Թուրքիայի՝ վտանգ են տեսնում Հայաստանի համար։ Կհարգվի՞ արդյոք այն մարդկանց կարծիքը, ովքեր կարծում են, որ Եվրոպական Միությունը Հայաստանն օգտագործում է սեփական աշխարհաքաղաքական շահերի և գերտերությունների դեմ գործողություններ իրականացնելու համար։ Մոտ ապագայում մեզ ընտրություններ են սպասվում, և մենք ականատեսը կդառնանք այս ամենի հանգուցալուծմանը։
Այժմ լսենք մեր քաղաքացիների տեսակետները։ Նրանք կկիսվեն իրենց մտորումներով Հայաստան-ԵՄ համագործակցության վերաբերյալ և կնշեն, թե ում են համարում իրական սպառնալիք։ Իսկ նրանց լսելուց հետո պետք է խորհենք հետևյալի շուրջ.
«Բարեկամներ, հատկապես իրանական ռազմական գործողությունների մեկնարկից հետո, ի՞նչն է ի վերջո ավելի թանկ Եվրամիության մեր հարգարժան գործընկերների համար՝ հայկական ժողովրդավարությո՞ւնը, թե՞ ադրբեջանական նավթը, որը համաշխարհային շուկայի տատանումների ֆոնին դարձել է չափազանց կարևոր ռեսուրս»։
Եվ ևս մեկ հարց, որի պատասխանը պետք է գտնենք մենք ինքներս. ի՞նչն է Մարթա Կոսն ավելի անկեղծորեն պաշտպանելու՝ հայաստանյան իրական ժողովրդավարությո՞ւնը, որտեղ քաղաքացին իրավունք ունի բարձրաձայնել Թուրքիայից եկող վտանգների մասին, թե՞ այն ուղիները, որոնցով ադրբեջանական նավթը հասնում է Եվրոպա՝ գուցե նույնիսկ Հայաստանը «Արևմտյան Ադրբեջանի» վերածելու գնով»։
Մանրամասին՝ տեսանյութում, այս հղումով
https://www.facebook.com/watch/?v=1806150783654650
Հետևեք մեզ Facebook-ում