Վերաքննիչ քրեական դատարանը մերժեց Սամվել Բաբայանի դիմումը (ուղիղ միացում)

Վերաքննիչ քրեական դատարանն այսօր մերժեց ԼՂՀ ՊԲ նախկին հրամանատար Սամվել Բաբայանի դիմումը՝ ուժի մեջ թողնելով առաջին ատյանի վճիռը:

Նախորդ նիստում Բաբայանն իր խոսքում կրկին պնդել էր, որ իրեն առաջադրված մեղադրանքներն անհիմն են և օրենքն առաջին ատյանի դատարանից խախտվելով՝ եկել-հասել է Վերաքննիչ դատարան։

-Ինչ վերաբերում է ինձ, ապա ես որևէ օրենք չեմ խախտել և ցանկություն էլ չունեմ խախտելու,-ավելացրել էր Ս․Բաբայանը,-սա սարքած գործ է, շինծո՛ւ, այդ շինծու գործը փորձում են իրականացնել իրենց ուզած ձև: Ես ատյան-ատյան գնալու եմ մինչև վերջ: Ես մեղքը իմ վրա չեմ վերցնելու, էս ցիրկը բերեք թարգեք։

Հիշեցնենք, որ 2017թ․ նոյեմբերի 28-ին Կենտրոն և Նորք-Մարաշ վարչական շրջանների ընդհանուր իրավասության դատարանը Սամվել Բաբայանին դատապարտել էր 6 տարվա ազատազրկման։

Նրա փաստաբան Ավետիս Քալաշյանըդիմել էր Վերաքննիչ քրեական դատարան՝ պահանջելով բեկանել Կենտրոն և Նորք-Մարաշ վարչական շրջանների ընդհանուր իրավասության դատարանի վճիռը և երկու մեղադրանքով էլ կայացնել արդարացման դատական ակտ՝ հանցակազմի բացակայության պատճառաբանությամբ։

7or.am