Իսրայելը հարվածել է Բեյրութի հայաբնակ Բուջ Համուդ թաղամասի բնակելի շենքերից մեկին

Իսրայելի ռազմաօդային ուժերի անօդաչու թռչող սարքը հարվածել են Բեյրութի Բուրջ Համուդ թաղամասի բնակելի շենքին, որտեղ բնակվում է հայկական սփյուռքը։ Այդ մասին «ՌԻԱ նովոստի»-ին հայտնել է մայրաքաղաքի քաղաքապետարանի աղբյուրը։

«Իսրայելական անօդաչու թռչող սարքից արձակված հրթիռը հարվածել է Բուրջ Համուդի բնակելի շենքի չորրորդ հարկի բնակարանին»,-հայտնել է աղբյուրը։

Նրա փոխանցմամբ՝ հարվածը մեծ հրդեհ է առաջացրել, և զոհերի մասին տեղեկությունները ճշտվում են։

Լիբանանի առողջապահության նախարարությունը նաև հայտնել է Բեյրութի Ջնահ շրջանում անօդաչու թռչող սարքի հարվածի հետևանքով մեկ մարդու մահվան մասին։

Հինգշաբթի երեկոյան իսրայելական ինքնաթիռները հարվածել են Բեյրութի կենտրոնում գտնվող երկու բնակելի շենքերի, որոնք գտնվում են Լիբանանի կառավարության պալատից մի քանի հարյուր մետր հեռավորության վրա։