Փաշինյանը խոստովանեց. Հայոց Ցեղասպանության թանգարանի տնօրենը իմ ցուցումով է գրել հրաժարականի դիմումը

12 Մարտ, 2026 16:20

«Երբ երկրի վարչապետը ասում է, որ ղարաբաղյան շարժում չկա, օտարերկրյա հյուրին արցախյան հիմնահարց թեմայով գիրք նվիրելը ի՞նչ ա նշանակում։ էս երկրում քանի՞ հոգի կարա արտաքին քաղաքականություն վարի:

Հայաստանի Հանրապետությունում արտաքին քաղաքականություն վարում է Հայաստանի Հանրապետության կառավարությունը և այն պետական պաշտոնյան, ով կառավարությամբ վարած արտաքին քաղաքականությանը հակասող բան կասի, կազատվի աշխատանքից։ Այդտեղ ի՞նչ թեմա կա։ Մենք պետություն ենք, թե ինքնագործ խմբակ, որտեղ մեր ստեղծագործական պոտենցիալն ենք փորձարկում։ Սա պետություն է, հարգելիներս, սա պետություն է հստակ իր կառավարման տրամաբանությամբ և պետական համակարգով, և այդտեղ չքմեղանալու բացարձակ ոչ մի բան չկա, կառավարությունն է որոշում արտաքին քաղաքականությունը»,- այս մասին այսօր՝ մարտի 12-ին, ճեպազրույցի ժամանակ ասաց Նիկոլ Փաշինյանը՝ հայտարարելով, որ Հայոց Ցեղասպանության թանգարան-ինստիտուտի տնօրենը իր ցուցումով է հրաժարական գրել, քանի որ ԱՄՆ փոխնախագահին Արցախի վերաբերյալ գիրք է նվիրել։

--
Ի դեպ, Փաշինյանի մոտեցման համաձայն՝ նրա Անվտանգության խորհրդի քարտուղարը, առնվազն ծննդավայրի առումով ադրբեջանցի է, այսինքն՝ ծնվել է Ադրբեջանի տարածքում:
Իսկ ԱՔ քարտուղարի՝ ԱԽ պաշտոնական կայքում զետեղված նույնքան պաշտոնական կենսագրականի մեջ գրված է, որ նա՝ Արմեն Գրիգորյանը ծնվել է. «1983 թվականի դեկտեմբերի 25, Արցախի Հանրապետություն, ք․ Մարտունի»:

Հիմա, ի՞նչ հաջորդը ԱԽՔ-ի՞ն է դիմում գրել-ազատվելու հարկադրանքի տակ դնելու:
Նշենք, որ ԱԽՔ կենսագրականի «սքրին-շոթն» արված է այսօր՝ 2026թ. մարտի 12-ին:

Մանրամասն՝ Yerevan.today-ի տեսանյութում։